Crime: ఈ మహిళ ఫోన్లో హిస్టరీని చూసి పోలీసులకు డౌట్.. ఎందుకు క్రైమ్ సినిమాలే ఎక్కువ చూశావని అడిగితే..!
ABN, First Publish Date - 2023-07-03T19:47:03+05:30
మలయాళ హీరో మోహన్ లాల్ నటించిన ``దృశ్యం`` సినిమా ఎంత పెద్ద విజయం సాధించిందో తెలిసిందే. భాషతో సంబంధం లేకుండా విదేశాల్లో కూడా ఆ సినిమా ప్రేక్షకులను ఉర్రూతలూగించింది. మర్డర్ చేసిన కూతురిని రక్షించుకునేందుకు హీరో రకరకాల ప్లాన్లు వేసి పోలీసులను బోల్తా కొట్టిస్తాడు.
మలయాళ హీరో మోహన్ లాల్ నటించిన ``దృశ్యం`` సినిమా (Drishyam Movie) ఎంత పెద్ద విజయం సాధించిందో తెలిసిందే. భాషతో సంబంధం లేకుండా విదేశాల్లో కూడా ఆ సినిమా ప్రేక్షకులను ఉర్రూతలూగించింది. మర్డర్ చేసిన కూతురిని రక్షించుకునేందుకు హీరో రకరకాల ప్లాన్లు వేసి పోలీసులను బోల్తా కొట్టిస్తాడు. ఆ సినిమా స్ఫూర్తితో గుజరాత్‌ (Gujarat)కు చెందిన ఓ మహిళ కూడా అలా తప్పించుకునేందుకు పథకం వేసింది. ప్రియుడి కోసం రెండేన్నరేళ్ల కొడుకును చంపింది. అయితే పోలీసులకు దొరికిపోయి కటకటాల పాలైంది (Crime News).
సూరత్‌కు సమీపంలోని దిండోలి ప్రాంతంలో నిర్మాణ కూలీగా పని చేస్తున్న మాండవి తన కొడుకు వీర్‌ని మర్డర్ చేసింది. అలా చంపడానికి ముందు ``దృశ్యం`` సినిమాని చాలాసార్లు చూసింది. ఆ తర్వాత కొడుకును చంపేసి నిర్మాణ స్థలంలోని టాయిలెట్ కోసం తవ్విన గోతిలోకి విసిరేసింది (Mother killed son). పోలీసులకు ఫిర్యాదు చేయలేదు. మాండవి భర్త ఫిర్యాదు మేరకు పోలీసులు రంగంలోకి దిగి దర్యాఫ్తు ప్రారంభించారు. పోలీసులకు మాండవి రకరకాల కథలు చెప్పింది. ఎవరో కిడ్నాప్ చేసి ఉంటారని నమ్మించే ప్రయత్నం చేసింది. పోలీసులకు అనుమానం వచ్చి విచారించడంతో తానే చంపినట్టు అంగీకరించింది.
Viral video: రోడ్డు పక్కన ఫోన్ మాట్లాడుతూ నడుస్తున్న యువతి.. సడన్‌గా ఇద్దరు కుర్రాళ్ల ఎంట్రీ.. చివరకు షాకింగ్ సీన్..!
వీర్‌ను చంపి చెరువులో పడేశానని చెప్పింది. చెరువులో ఎంత గాలించినా పోలీసులకు వీర్ మృతదేహం దొరకలేదు. తర్వాత ఓ గొయ్యి తీసి పూడ్చేశానని చెప్పింది. అక్కడ కూడా పోలీసులకు ఏమీ దొరకలేదు. చివరకు నిర్మాణంలో ఉన్న ఇంటి బాత్రూమ్ గోతిలో పూడ్చేశానని నిజం వెల్లడించింది. తాను ఝర్ఖండ్‌కు చెందిన ఓ వ్యక్తితో ప్రేమలో పడ్డానని, అతడితో కలిసి నివాసించాలనుకున్నానని చెప్పింది. అయితే కొడుకును తీసుకువస్తే మాత్రం రానివ్వనని ప్రియుడు చెప్పాడని, దాంతోనే వీర్‌ను చంపేశానని తెలిపింది. మర్డర్‌కు ముందు చాలా సార్లు ``దృశ్యం`` సినిమా చూశానని, ఆ సినిమా స్ఫూర్తితోనే బాత్రూమ్ గోతిలో పూడ్చానని చెప్పింది. పోలీసులు ఆమెను అరెస్ట్ చేశారు.
Updated Date - 2023-07-03T19:47:03+05:30 IST