IPL 2023: బెంగళూరుపై టాస్ గెలిచిన ఢిల్లీ.. బోణీ కొట్టేనా?
ABN, First Publish Date - 2023-04-15T15:22:33+05:30
ఐపీఎల్‌(IPL 2023)లో ఇప్పటి వరకు ఖాతా తెరవని జట్టు ఏదైనా ఉందీ అంటే అది ఢిల్లీ కేపిటల్స్(Delhi Capitals) ఒక్కటే. మరికాసేపట్లో
బెంగళూరు: ఐపీఎల్‌(IPL 2023)లో ఇప్పటి వరకు ఖాతా తెరవని జట్టు ఏదైనా ఉందీ అంటే అది ఢిల్లీ కేపిటల్స్(Delhi Capitals) ఒక్కటే. మరికాసేపట్లో రాయల్ చాలెంజర్స్ బెంగళూరు (RCB)తో జరగనున్న మ్యాచ్‌లో టాస్ గెలిచిన ఢిల్లీ ప్రత్యర్థిని బ్యాటింగ్‌కు ఆహ్వానించింది. ఇప్పటి వరకు నాలుగు మ్యాచ్‌లు ఆడి అన్నింటిలోనూ ఓడిన వార్నర్ సేన పలు విమర్శలు మూటగట్టుకుంది. అద్భుతమైన బ్యాటింగ్ లైనప్ కలిగినప్పటికీ ఆ జట్టును పరాజయాలు వెక్కిరిస్తున్నాయి. కెప్టెన్‌గా వార్నర్ రాణిస్తున్నప్పటికీ జట్టు సభ్యుల నుంచి సహకారం లేకపోవడంతో జట్టు తరచూ ఓటమి పాలవుతోంది. కాబట్టి నేటి మ్యాచ్‌లోనైనా విజయం సాధించి ఖాతా తెరవాలని గట్టి పట్టుదలగా ఉంది.
మరోవైపు, రాయల్ చాలెంజర్స్ బెంగళూరు పరిస్థితి కూడా ఇందుకు భిన్నంగా ఏమీ లేదు. విరాట్ కోహ్లీ, ఫా డుప్లెసిస్, గ్లెన్ మ్యాక్స్‌వెల్ వంటి హేమాహేమీలున్న జట్టు విజయం కోసం నానా కష్టాలు పడుతోంది. ఇప్పటి వరకు మూడు మ్యాచ్‌లు ఆడి ఒక్కదాంట్లోనే విజయం సాధించిన ఆర్సీబీ కింది నుంచి మూడో స్థానంలో ఉంది. ఈ మ్యాచ్‌లో మంచి రన్‌రేట్‌తో విజయం సాధిస్తే కనీసం రెండు స్థానాలు పైకి ఎగబాకుతుంది. ఢిల్లీ జట్టులోకి పావెల్ బదులు మిచెల్ మార్ష్, ఆర్సీబీలోకి విల్లీ బదులు హసరంగ తుది జట్టులో చోటు దక్కించుకున్నారు.
Updated Date - 2023-04-15T15:22:33+05:30 IST