IPL 2023: పంజాబ్ బ్యాటర్లకు గుజరాత్ బౌలర్ల కళ్లెం!
ABN, First Publish Date - 2023-04-13T21:40:32+05:30
సొంత మైదానంలో పంజాబ్(Punjab) తడబడింది. గుజరాత్
మొహాలీ: సొంత మైదానంలో పంజాబ్(Punjab) తడబడింది. గుజరాత్ టైటాన్స్(Gujarat Titans) బౌలింగును ఎదుర్కోవడంలో ఇబ్బంది పడిన పంజాబ్ కింగ్స్(Punjab Kings) నిర్ణీత 20 ఓవర్లలో 8 వికెట్ల నష్టానికి 153 పరుగుల ఓ మోస్తరు స్కోరు సాధించింది. టాస్ ఓడి బ్యాటింగ్‌కు దిగిన పంజాబ్‌కు ఏ దశలోనూ కలిసి రాలేదు. ఖాతా కూడా తెరవకుండానే ఓపెనర్ ప్రభ్‌సిమ్రన్ సింగ్ అవుటయ్యాడు. ఇక, అది మొదలు క్రమం తప్పకుండా పంజాబ్ వికెట్లు కోల్పోయింది. ఫలితంగా మ్యాచ్‌లో ఎలాంటి మెరుపులు కనిపించలేదు.
మాథ్యూ షార్ట్ చేసిన 36 పరుగులే జట్టులో అత్యధికం. భానుక రాజపక్స (20), జితేశ్ శర్మ (25), శామ్ కరన్ (22) పరవాలేదని పించారు. అయితే, చివరల్లో షారూఖ్ ఖాన్ బ్యాట్‌కు పని చెప్పాడు. 9 బంతుల్లో ఫోర్, రెండు సిక్సర్లతో 22 పరుగులు చేసి స్కోరు బోర్డును 150 పరుగులు దాటించాడు. గుజరాత్ బౌలర్లలో మోహిత్ శర్మ 2 వికెట్లు తీసుకున్నాడు.
Updated Date - 2023-04-13T21:40:32+05:30 IST