IPL 2023: గుజరాత్ టైటాన్స్‌పై ఢిల్లీ కేపిటల్స్‌ ఘన విజయం
ABN, First Publish Date - 2023-05-02T23:29:41+05:30
ఐపీఎల్ (Indian Premier League 2023)లో భాగంగా గుజరాత్ టైటాన్స్‌పై 5 పరుగుల తేడాతో ఢిల్లీ కేపిటల్స్‌ (Delhi Capitals) ఘన విజయం సాధించింది.
అహ్మదాబాద్: ఐపీఎల్ (Indian Premier League 2023)లో భాగంగా గుజరాత్ టైటాన్స్‌పై 5 పరుగుల తేడాతో ఢిల్లీ కేపిటల్స్‌ (Delhi Capitals) ఘన విజయం సాధించింది. నిర్ణీత 20 ఓవర్లలో 8 వికెట్ల నష్టానికి ఢిల్లీ కేపిటల్స్‌ 130 పరుగులు చేసింది. 20 ఓవర్లలో 6 వికెట్లు కోల్పోయి గుజరాత్ టైటాన్స్‌ 125 పరుగులు చేసింది.
షమీ దెబ్బకు ఢిల్లీ బ్యాటర్లందరూ వెనుదిరుగుతుంటే అమన్ హకీం ఖాన్ మాత్రం క్రీజులో పాతుకుపోయి ఒంటరి పోరాటం చేశాడు. 44 బంతుల్లో 3 ఫోర్లు, 3 సిక్సర్లతో అర్ధ సెంచరీ (51) సాధించాడు. లేదంటే ఢిల్లీ 100 పరుగుల లోపు చాప చుట్టేసేదే. అక్షర్ పటేల్ (27), రిపల్ పటేల్ (23) కాస్తంత నిలదొక్కుకుని పరవాలేదనిపించారు.
ఫిలిప్ సాల్ట్ గోల్డెన్ డక్ కాగా, కెప్టెన్ వార్నర్ 2, ప్రియం గార్గ్ 10, రిలీ రోసౌ 8, మనీష్ పాండే 1, అన్రిక్ నోకియా 3(నాటౌట్) పరుగులు చేశారు. గుజరాత్ బౌలర్లలో మహమ్మద్ షమీ 4 వికెట్లు తీసుకోగా, మోహిత్ శర్మ 2 వికెట్లు పడగొట్టాడు.
Updated Date - 2023-05-02T23:31:05+05:30 IST