Shabana Begum: వరల్డ్‌కప్‌లోనూ ఆడతాడు
ABN, First Publish Date - 2023-01-20T02:48:54+05:30
టీమిండియా ఆటగాడిగా సొంత మైదానం ఉప్పల్‌లో తొలిసారి బరిలోకి దిగిన పేసర్‌ మహ్మద్‌ సిరాజ్‌ కివీస్‌తో మ్యాచ్‌ను చిరస్మరణీయం చేసుకున్నాడు.
సిరాజ్‌ తల్లి షబానా బేగం
హైదరాబాద్‌: టీమిండియా ఆటగాడిగా సొంత మైదానం ఉప్పల్‌లో తొలిసారి బరిలోకి దిగిన పేసర్‌ మహ్మద్‌ సిరాజ్‌ కివీస్‌తో మ్యాచ్‌ను చిరస్మరణీయం చేసుకున్నాడు. అతడి కుటుంబ సభ్యులు, స్నేహితుల సమక్షంలో ఆడిన ఈ మ్యాచ్‌లో నాలుగు వికెట్లు తీసి జట్టు విజయంలో భాగమయ్యాడు. ముఖ్యంగా కుమారుడి అద్భుత ప్రదర్శనకు తల్లి షబానా బేగం మురిసిపోయింది. మ్యాచ్‌ ముగిశాక సిరాజ్‌ కుటుంబ సభ్యుల స్పందనను బీసీసీఐ ఓ వీడియోలో చూపింది. ‘సిరాజ్‌ మున్ముందు కూడా భారత్‌ తరఫున ఇలాగే ఆడాలని అల్లాను ప్రార్థిస్తున్నా. అలాగే రాబోయే వరల్డ్‌క్‌పనకు ఎంపికవుతాడని ఆశిస్తున్నా’ అని షబానా పేర్కొంది. గతేడాది భారత్‌ తరఫున అత్యధిక వికెట్లు సాధించిన సిరాజ్‌.. ఈ ఏడాది ఆడిన నాలుగు మ్యాచ్‌ల్లోనే 13 వికెట్లు తీయడం విశేషం.
Updated Date - 2023-01-20T02:48:55+05:30 IST