IPL2023: లక్నో మ్యాచ్‌కి వర్షం అడ్డగింత.. వికెట్ల పతనం ఇలా..
ABN, First Publish Date - 2023-05-03T17:37:44+05:30
లక్నో సూపర్ జెయింట్స్ (Lucknow Super Giants), చెన్నై సూపర్ కింగ్స్ (Chennai Super Kings) మధ్య జరుగుతున్న మ్యాచ్‌కి వర్షం అడ్డుపడింది.
లక్నో: ఐపీఎల్ (IPL 2023) లక్నో సూపర్ జెయింట్స్ (Lucknow Super Giants), చెన్నై సూపర్ కింగ్స్ (Chennai Super Kings) మధ్య జరుగుతున్న మ్యాచ్‌కి వర్షం అడ్డుపడింది. దీంతో మ్యాచ్ కాసేపు ఆపేశారు. 19.2 ఓవర్ల వద్ద 7 వికెట్లు కోల్పోయి లక్నో సూపర్ జెయింట్స్ జట్టు 125 పరుగులు చేసింది.
లక్నో సూపర్ జెయింట్స్ జట్టు బ్యాట్స్‌మెన్స్ వికెట్ల పతనం ఇలా జరిగింది.
3.4 ఓవర్లలో 18 పరుగుల వద్ద లక్నో సూపర్ జెయింట్స్ జట్టు తొలి వికెట్ కోల్పోయింది. 17 బంతుల్లో 14 పరుగులు చేసి కైల్ మేయర్స్ ఔట్ అయ్యాడు. 5.4 ఓవర్లలో 27 పరుగుల వద్ద జట్టు రెండో వికెట్ కోల్పోయింది. 11 బంతుల్లో 10 పరుగులు చేసి మనన్ వోహ్రా ఔటవగా, కృనాల్ పాండ్యా పరుగులు చేయకుండానే 5.5 ఓవర్ వద్ద ఔటయ్యాడు.దీంతో జట్టు మూడో వికెట్ కోల్పోయింది. 6.5 ఓవర్ల వద్ద జట్టు నాలుగో వికెట్ కోల్పోగా.. మార్కస్ స్టోయినిస్ 6 పరుగులు మాత్రమే చేసి 34 పరుగుల వద్ద ఔటయ్యాడు. మొత్తంగా చూస్తే 9.4 ఓవర్లలోనే జట్టు 5 వికెట్లు కోల్పోయింది. కరణ్ శర్మ 16 బంతుల్లో 9 పరుగులు చేసి ఔటయ్యాడు.
చెన్నై టాస్ గెలిచి ఫీల్డింగ్ ఎంచుకోవడంతో లక్నో సూపర్ జెయింట్స్ బ్యాట్స్‌మెన్స్ బ్యాటింగ్‌కు దిగారు. ఉత్తరప్రదేశ్ రాష్ట్ర రాజధాని లక్నో సిటీలో భారతరత్న అటల్ బిహారీ వాజ్‌పేయి ఏకనా క్రికెట్ స్టేడియంలో లక్నో సూపర్ జెయింట్స్, చెన్నై సూపర్ కింగ్స్ మధ్య ఈ రోజు 45వ మ్యాచ్ జరుగుతోంది.
Updated Date - 2023-05-03T17:45:43+05:30 IST