MS Dhoni: ధోనీ, సాక్షి దంపతులు రెండోసారి తల్లిదండ్రులవుతున్నారా? వైరల్ అవుతున్న సాక్షి తాజా ఫొటో!
ABN, First Publish Date - 2023-04-25T10:39:15+05:30
ప్రస్తుత ఐపీఎల్‌లో అందరి కళ్లూ చెన్నై సూపర్ కింగ్స్ సారథి ధోనీపైనే ఉన్నాయి. ఈ సీజన్‌తో ఇక క్రికెట్‌కు పూర్తిగా దూరం కావాలని ధోనీ భావిస్తున్నాడు. ఇదే ధోనీ చివరి ఐపీఎల్ అని వార్తలు వస్తున్నాయి.
ప్రస్తుత ఐపీఎల్‌లో (IPL 2023) అందరి కళ్లూ చెన్నై సూపర్ కింగ్స్ (CSK) సారథి ధోనీ (MS Dhoni)పైనే ఉన్నాయి. ఈ సీజన్‌తో ఇక క్రికెట్‌కు పూర్తిగా దూరం కావాలని ధోనీ (Dhoni Retirement) భావిస్తున్నాడు. ఇదే ధోనీ చివరి ఐపీఎల్ అని వార్తలు వస్తున్నాయి. ఈ నేపథ్యంలో చెన్నై అభిమానులే కాకుండా.. ధోనీ ఎక్కడ ఆడితే అక్కడ అభిమానులు అతడికి బ్రహ్మరథం పడుతున్నారు. ప్రస్తుతం చెన్నై టీమ్ వరుస విజయాలతో దూసుకుపోతూ పాయింట్ల పట్టికల్లో అగ్రస్థానంలో ఉంది. తాజాగా ధోనీ వ్యక్తిగత జీవితానికి సంబంధించిన ఓ వార్త సోషల్ మీడియాలో వైరల్ అవుతోంది.
ధోనీ రెండోసారి తండ్రి కాబోతున్నట్టు వార్తలు వస్తున్నాయి. 2015లో ధోనీ భార్య సాక్షి (Sakshi Dhoni) జీవాకు (Ziva)జన్మనిచ్చిన సంగతి తెలిసిందే. త్వరలో ఈ దంపతులకు రెండో బిడ్డ జన్మించనున్నట్టు సమాచారం. ముంబైలో ఈద్ పార్టీకి హాజరైన సాక్షికి సంబంధించిన ఫొటోలు తాజాగా బయటకు వచ్చాయి. ఆ ఫొటోలో సాక్షి బేబీ బంప్ (Sakshi Baby Bump) కనిపిస్తోంది. బేబీ బంప్‌ను చున్నీతో సాక్షి కవర్ చేసుకుంటున్న ఫొటోలు వైరల్ (Viral) అవుతున్నాయి. ఈ నేపథ్యంలో ధోనీ మరోసారి తండ్రి కాబోతున్నాడని వార్తలు మొదలయ్యాయి.
David Warner: మ్యాచ్‌కు ముందు ఆసక్తికర ఘటన.. భువనేశ్వర్ కాళ్లకు దండం పెట్టిన వార్నర్.. వీడియో వైరల్!
కాగా, 2021లో కూడా ఇలాంటి వార్తలే చక్కర్లు కొట్టాయి. సాక్షి గర్భవతి అంటూ అప్పట్లో వార్తలు వచ్చాయి. అయితే అవన్నీ అబద్ధాలేనని తేలిపోయింది. మరి, ఈ సారైనా నిజమో, కాదో తెలియాలంటే కొద్ది రోజులు ఆగాల్సిందే.
Updated Date - 2023-04-25T10:39:15+05:30 IST