Pragnananda : టాప్‌లో ప్రజ్ఞానంద
ABN, First Publish Date - 2023-09-09T03:10:36+05:30
స్టార్‌ ఆటగాడు ప్రజ్ఞానంద టాటా స్టీల్‌ చెస్‌ ఇండియా బ్లిట్జ్‌ విభాగంలో తొలిరోజు పోటీలు ముగిసేసరికి అగ్రస్థానంలో నిలిచాడు. శుక్రవారం జరిగిన తొమ్మిది రౌండ్లకుగాను తొలుత ప్రజ్ఞానంద వరుసగా ఐదు విజయాలు నమోదు చేశాడు.
కోల్‌కతా: స్టార్‌ ఆటగాడు ప్రజ్ఞానంద టాటా స్టీల్‌ చెస్‌ ఇండియా బ్లిట్జ్‌ విభాగంలో తొలిరోజు పోటీలు ముగిసేసరికి అగ్రస్థానంలో నిలిచాడు. శుక్రవారం జరిగిన తొమ్మిది రౌండ్లకుగాను తొలుత ప్రజ్ఞానంద వరుసగా ఐదు విజయాలు నమోదు చేశాడు. అయితే, ఆరో రౌండ్లో అలెగ్జాండర్‌ గ్రిషుక్‌తో గేమ్‌ను డ్రా చేసుకున్న ప్రజ్ఞానంద.. ఆ తర్వాత 7, 8 రౌండ్లలో ఓటమిపాలయ్యాడు. చివరిదైన 9వ రౌండ్లో మాత్రం సహచరుడు అర్జున్‌ ఇరిగేసిపై గెలిచాడు. ఓవరాల్‌గా 6.5 పాయింట్లు సాధించిన ప్రజ్ఞానంద ప్రస్తుతానికి టాప్‌లో కొనసాగుతున్నాడు. భారత్‌కే చెందిన విదిత్‌ సంతోష్‌ గుజరాతి, గ్రిషుక్‌ చెరో ఆరు పాయింట్లతో వరుసగా రెండు, మూడు స్థానాల్లో నిలిచారు. తెలుగు గ్రాండ్‌మాస్టర్లలో అర్జున్‌ ఇరిగేసి (4.5 పాయింట్లు) నాలుగో స్థానంలో ఉండగా, హరికృష్ణ (4 పాయింట్లు) 8వ స్థానంలో కొనసాగుతున్నాడు. శనివారం జరిగే మరో 9 రౌండ్ల అనంతరం విజేతను ప్రకటిస్తారు.
Updated Date - 2023-09-09T03:10:37+05:30 IST