Arjun Tendulkar IPL debut: మ్యాచ్‌కు ముందు అర్జున్‌తో సచిన్ ముచ్చట్లు.. మ్యాచ్‌కు హాజరైన సచిన్ కూతురు!
ABN, First Publish Date - 2023-04-17T11:36:41+05:30
దాదాపు మూడేళ్ల ఎదురు చూపుల తర్వాత క్రికెట్ దిగ్గజం సచిన్ వారసుడు అర్జున్ టెండూల్కర్‌కు ఐపీఎల్‌లో అవకాశం వచ్చింది. అర్జున్‌ను ముంబై టీమ్ కనీస ధరకు మూడేళ్ల క్రితం దక్కించుకుంది.
దాదాపు మూడేళ్ల ఎదురు చూపుల తర్వాత క్రికెట్ దిగ్గజం సచిన్ (Sachin Tendulkar) వారసుడు అర్జున్ టెండూల్కర్‌కు (Arjun Tendulkar) ఐపీఎల్‌లో (IPL 2023) అవకాశం వచ్చింది. అర్జున్‌ను ముంబై (MI) టీమ్ కనీస ధరకు మూడేళ్ల క్రితం దక్కించుకుంది. అప్పట్నుంచి అర్జున్ ముంబై టీమ్‌తో పాటే ఉంటున్నాడు. అయితే ఇప్పటివరకు అతడికి తుది జట్టులో అవకాశం దక్కలేదు. ఎట్టకేలకు ఆదివారం కోల్‌కతాతో జరిగిన మ్యాచ్‌లో (MIvsKKR) ముంబై టీమ్ తరఫున అర్జున్ అరంగేట్రం చేశాడు.
ఈ మ్యాచ్‌లో ఎడమ చేతి వాటం బౌలర్ అయిన అర్జున్ రెండు ఓవర్లు బౌలింగ్ చేశాడు. తొలి ఓవర్ పొదుపుగానే బౌలింగ్ చేసినా.. రెండో ఓవర్లో భారీగా పరుగులిచ్చాడు. మొత్తానికి రెండు ఓవర్లు బౌలింగ్ చేసి 17 పరుగులు ఇచ్చాడు. ఈ మ్యాచ్‌కు ముందు సచిన్ తన కొడుకు అర్జున్‌తో చాలా సేపు మాట్లాడాడు. తొలి మ్యాచ్‌కు ముందు తగిన సూచనలు అందించాడు. తన సోదరుడి అరంగేట్ర మ్యాచ్ చూసేందుకు సచిన్ కూతురు సారా, వాంఖడే స్టేడియానికి వచ్చింది.
MIvsKKR: ముంబై, కోల్‌కతా కెప్టెన్లకు భారీ జరిమానా.. ఎవరి తప్పు ఏంటంటే..
ఐపీఎల్‌లో ఒకే ఫ్రాంచైజీకి ఆడిన తండ్రీకొడుకులుగా సచిన్, అర్జున్ రికార్డు సృష్టించారు. కాగా, ఆదివారం జరిగిన ఈ మ్యాచ్‌లో కోల్‌కతా టీమ్‌పై ముంబై జట్టు 6 వికెట్ల తేడాతో అలవోకగా నెగ్గింది. ముందు బ్యాటింగ్ చేసిన కోల్‌కతా వెంకటేష్ అయ్యర్ (104) సెంచరీ సహాయంతో 186 పరుగులు చేసింది. అనంతరం ఇషాన్ కిషన్, సూర్య కుమార్ యాదవ్ చెలరేగడంతో సునాయాసంగా లక్ష్యం చేరుకుంది.
Updated Date - 2023-04-17T11:36:41+05:30 IST