Sunil Gavaskar: రోహిత్‌ కెప్టెన్సీ.. ప్చ్‌!
ABN, First Publish Date - 2023-07-11T00:12:34+05:30
టీమిండియా కెప్టెన్‌గా రోహిత్‌ శర్మ రాణించలేకపోతున్నాడని దిగ్గజ ఆటగాడు సునీల్‌ గవాస్కర్‌ అభిప్రాయపడ్డాడు.
గవాస్కర్‌ విమర్శ
న్యూఢిల్లీ: టీమిండియా కెప్టెన్‌గా రోహిత్‌ శర్మ రాణించలేకపోతున్నాడని దిగ్గజ ఆటగాడు సునీల్‌ గవాస్కర్‌ అభిప్రాయపడ్డాడు. అతడి నుంచి తాను ఎక్కువగా ఆశించినట్టు చెప్పాడు. ‘వాస్తవానికి రోహిత్‌ జట్టు బాధ్యతలు తీసుకున్నాక అతడి ఆధ్వర్యంలో జట్టు దూసుకెళ్తుందని భావించా. స్వదేశంలో గెలుపు సంగతెలా ఉన్నా విదేశాల్లో రాణించడం ముఖ్యం. అప్పుడే మన ఆటగాళ్ల సత్తా తెలుస్తుంది. కానీ ఈ విషయంలో రోహిత్‌ కెప్టెన్సీ నన్ను నిరాశపరిచింది. టీ20 ఫార్మాట్‌లోనూ పెద్దగా తేడా లేదు. స్టార్‌ ఆటగాళ్లతో కూడిన మన జట్టు వరల్డ్‌క్‌పలోనూ ఫైనల్‌కు చేరలేకపోయింది’ అని గవాస్కర్‌ గుర్తుచేశాడు.
రోహిత్‌నే విమర్శిస్తే ఎలా?
‘క్రికెట్‌ అనేది సమష్టి ఆట. డబ్ల్యూటీసీ ఫైనల్‌ ఓటమిని రోహిత్‌కే అంటగట్టడం అన్యాయం. అతను అద్భుత కెప్టెన్‌. మున్ముందు కూడా అతడినుంచి చక్కటి ఫలితాలు వస్తాయి’. -హర్భజన్‌ సింగ్‌
Updated Date - 2023-07-11T00:12:34+05:30 IST