Samsung: గెలాక్సీ ఎస్23 సిరీస్ ఫోన్లు విడుదల తేదీ వెల్లడి.. ఎప్పుడంటే..
ABN, First Publish Date - 2023-01-07T20:11:14+05:30
స్మార్ట్‌ఫోన్స్, టెక్ ప్రియులు ఆసక్తిగా ఎదురుచూస్తున్న గెలాక్సీ ఎస్23 (Galaxy S23) సిరీస్ ఫోన్ల విడుదల విషయంలో క్లారిటీ వచ్చేసింది.
న్యూఢిల్లీ: స్మార్ట్‌ఫోన్స్(SmartPhones), టెక్ ప్రియులు (Tech Lovers) ఆసక్తిగా ఎదురుచూస్తున్న గెలాక్సీ ఎస్23 సిరీస్ (Galaxy S23 Series) ఫోన్ల విడుదల విషయంలో క్లారిటీ వచ్చేసింది. ఫిబ్రవరి 1న లాంచ్ చేయబోతున్నట్టు సామ్సంగ్ (Samsung) కొలంబియా అఫీషియల్ వెబ్‌సైట్ తెలిపింది. వాస్తవానికి ఫిబ్రవరి తర్వాతే ఫోన్ల విడుదల ఉంటుందని ప్రచారం జరిగినప్పటికీ.. తాజా సమాచారంతో గెలాక్సీ ఎస్23 సిరీస్ విడుదలపై ఒక స్పష్టత వచ్చినట్టయ్యింది. అయితే ఇంతకుమించి సమాచారమేమీ వెబ్‌సైట్ పేర్కొనలేదు.
ఇక ఈ ఫోన్‌ లుక్‌ను సీక్రెట్‌గా ఉంచాలని సామ్సంగ్ (Samsung) కంపెనీ భావించినా ఇంటర్నెట్ వేదికగా పలుమార్లు లీకయ్యాయి. ఆన్‌లైన్‌లో చక్కర్లు కొట్టాయి. లీకైన ఫొటోల ప్రకారం.. గెలాక్సీ ఎస్22 మాదిరిగానే గెలాక్సీ ఎస్23 ఫోన్లు కనిపిస్తున్నాయి. దీనిని బట్టి డిజైన్‌లో పెద్ద తేడా ఏమీలేదని అనిపిస్తోంది. స్నూపీటెక్(SnoopyTech) అనే టిప్‌స్టర్ పోస్ట్ చేసిన లీక్స్ ప్రకారం.. గెలాక్సీ ఎస్23, గెలాక్సీ ఎస్23 అల్ట్రా ఫోన్లు లాంచ్ అవుతాయనే అంచనాలున్నాయి. ఇక లీకైన కలర్లలో కాటన్ ఫ్లవర్, మిస్ట్లీ లిలాక్, బొటానిక్ గ్రీన్, ఫాంటమ్ బ్లాక్ ఉన్నాయి. ఇక ఫీచర్లకు సంబంధించిన పూర్తి సమాచారం తెలియాల్సి ఉంది.
Updated Date - 2023-01-07T20:11:19+05:30 IST