Vodafone Idea: 365 రోజుల వ్యాలిడిటీతో 3 అదిరిపోయే రీఛార్జ్ ఆఫర్లు ప్రకటించిన వొడాఫోన్ ఐడియా
ABN, First Publish Date - 2023-06-18T16:21:50+05:30
365 రోజుల వ్యాలిడిటీతో 3 అదిరిపోయే రీఛార్జ్ ఆఫర్లను వొడాఫోన్ ఐడియా ప్రకటించింది.
ప్రముఖ టెలికమ్యూనికేషన్ సంస్థ వొడాఫోన్ ఐడియా (Vodafone Idea) తమ వినియోగదారులను ఆకట్టుకునేందుకు ఎప్పటికప్పుడు సరికొత్త ప్లాన్లను ప్రకటిస్తోంది. ఇందులో భాగంగా ఆదివారం మరో మూడు కొత్త రీఛార్జ్ ప్లాన్లను (3 recharge plans) అందుబాటులోకి తీసుకొచ్చినట్లు సంస్థ తెలిపింది. 365 రోజుల వ్యాలిడిటీతో 3 అదిరిపోయే రీఛార్జ్ ఆఫర్లను వొడాఫోన్ ఐడియా ప్రకటించింది.
రూ. 3099 ప్లాన్‌కో వినియోగదారులు రిఛార్జ్ చేసుకుంటే రోజువారీ 2జీబీ డేటా లభించనుంది. దీంతో ఇక డేటా పరిమితుల గురించి ఆలోచించకుండా కనెక్ట్‌గా ఉండేలా చూస్తోంది. అపరిమిత వాయిస్ కాలింగ్‌తో పాటు, ఈ ప్లాన్ Vi Hero అన్‌లిమిటెడ్ బెనిఫిట్‌లతో పాటు రోజుకు 100 SMSలను అందిస్తుంది. అదనంగా వీకెండ్ డేటా రోల్‌ఓవర్ కూడా లభించనుంది. సబ్‌స్క్రైబర్‌లు 50జీబీ అదనపు డేటాను మరియు డిస్నీ+ హాట్‌స్టార్ మొబైల్‌కి ఒక సంవత్సరం యాక్సెస్‌ను పొందుతారు.
2999 ప్లాన్‌తో రీఛార్జ్ చేసుకుంటే సంవత్సరానికి దాదాపు 850జీబీ డేటా పొందవచ్చు. అపరిమిత వాయిస్ కాలింగ్‌తో పాటు, 100 SMSలు సాధారణ పరిమితిని పొందుతారు.
రూ. 2899 ప్లాన్‌తో రీఛార్జ్ చేసుకుంటే రోజువారీ 1.5జీబీ డేటాను ఉపయోగించుకోవచ్చు. బింగే ఆల్ నైట్, వీకెండ్ డేటా రోల్‌ఓవర్, డేటా డిలైట్స్ వంటి Vi Hero అపరిమిత ప్రయోజనాలను కలిగి ఉంటుంది. ఈ ప్లాన్‌లో అపరిమిత వాయిస్ కాలింగ్, రోజుకు 100 SMS, అదనపు 50జీబీ డేటా, ప్రీమియం ఎంటర్‌టైన్‌మెంట్ కంటెంట్ కోసం వీఐ మూవీస్ & టీవీ వీఐపీ యాక్సెస్ కూడా లభిస్తోంది.
రూ.1799 ప్లాన్‌తో తీసుకున్న వినియోగదారులకు 24జీబీ పరిమిత డేటా, అపరిమిత వాయిస్ కాలింగ్, రోజుకు 3600 SMSలను ఉపయోగించుకోవచ్చు. వీఐ మూవీస్ అండ్ టీవీ బెసిక్స్‌కు కూడా యాక్సెస్‌ను పొందుతారు, ఇది ప్రముఖ చలనచిత్రాలు మరియు టీవీ కార్యక్రమాలను అందిస్తుంది. ఈ ప్లాన్ ప్రీపెయిడ్ 365 రోజులు చెల్లుబాటు అవుతోంది.
Updated Date - 2023-06-18T16:43:22+05:30 IST