Xiaomi: 55 అంగుళాల స్మార్ట్ టీవీని విడుదల చేసిన షియోమి.. ఫీచర్స్ ఇవే..
ABN, First Publish Date - 2023-04-13T17:17:44+05:30
చైనాకు చెందిన ప్రముఖ ఎలక్ట్రానిక్స్ అండ్ కమ్యూనికేషన్స్ సంస్థ షియోమి (Xiaomi) కార్పొరేషన్ తమ కస్టమర్లను ఆకర్షించేందుకు ఎప్పటికప్పుడు కొత్త ఉత్పత్తులను మార్కెట్లో ప్రవేశపెడుతోంది.
హైదరాబాద్: చైనాకు చెందిన ప్రముఖ ఎలక్ట్రానిక్స్ అండ్ కమ్యూనికేషన్స్ సంస్థ షియోమి (Xiaomi) కార్పొరేషన్ తమ కస్టమర్లను ఆకర్షించేందుకు ఎప్పటికప్పుడు కొత్త ఉత్పత్తులను మార్కెట్లో ప్రవేశపెడుతోంది. ఇందులో భాగంగా వేసవి కాలాన్ని దృష్టిలో పెట్టుకొని కొత్తగా రెండు ఎయిర్ ప్యూరిఫైయర్స్, మూడు 4కే స్మార్ట్ టీవీలతోపాటు ఇతర హోమ్ ఉత్పత్తులను భారత మార్కెట్లోకి విడుదల చేసింది.
షియోమి స్మార్ట్ ఎయిర్ ప్యూరిఫైయర్స్ 4, షియోమి స్మార్ట్ ఎయిర్ ప్యూరిఫైయర్ (air purifiers) 4 లైట్, షియోమి స్మార్ట్ టీవీ ఎక్స్ ప్రో సిరీస్, షియోమి రోబోట్ వాక్యూమ్-మాప్ 2ఐ షియోమి బార్డ్ ట్రిమ్మర్ 2సీ అందుబాటులో ఉన్నాయి. షియోమి బార్డ్ ట్రిమ్మర్ 2సీ రూ.1,199కే లభించనుంది. స్మార్ట్ టీవీ ఎక్స్ ప్రో సిరీస్ లు 43-అంగుళాలు, 50- అంగుళాలు, 55-అంగుళాలతో కూడిన మూడు వేరియంట్లలో షియోమి స్మార్ట్ టీవీలను విడుదల చేసింది.
షియోమి స్మార్ట్ ఎయిర్ ప్యూరిఫైయర్స్ 4, షియోమి స్మార్ట్ ఎయిర్ ప్యూరిఫైయర్ 4 లైట్, ఈ రెండింటినీ రిమోట్, షియోమి హోమ్ యాప్ ద్వారా కూడా ఆపరేట్ చేయవచ్చని కంపెనీ తెలిపింది. యూజర్స్ ఈ రెండు డివైజ్ లను గూగుల్ అసిస్టెంట్ లేదా అమెజాన్ అలెక్సా కనెక్ట్ తో చేసుకొని చేత్తో పని లేకుండా వాయిస్ ద్వారా ఆపరేట్ చేయవచ్చు.
షియోమి స్మార్ట్ ఎయిర్ ప్యూరిఫైయర్స్ 4 రూ. 13,999, షియోమి స్మార్ట్ ఎయిర్ ప్యూరిఫైయర్ 4 లైట్ రూ. 9,999 లభించనున్నాయి. అమెజాన్, ఫ్లిప్ కార్ట్ ద్వారా ఏప్రిల్ 23 నుంచి కొనుగోలు చేయవచ్చు.
షియోమి స్మార్ట్ టీవీ ఎక్స్ ప్రో 43 అంగుళాల టీవీ రూ. 32,999, షియోమి స్మార్ట్ టీవీ ఎక్స్ ప్రో 50 అంగుళాల టీవీ రూ.41,999, షియోమి స్మార్ట్ టీవీ ఎక్స్ ప్రో 55 అంగుళాల టీవీ రూ. 47,999 ఉంటుంది. షియోమి రోబోట్ వాక్యూమ్-మాప్ 2ఐ రూ. 16,999 ఉంటుంది. దీనిని అమెజాన్ ద్వారా ఏప్రిల్ 28న మధ్యాహ్నం 12 గంటల నుంచి విక్రయించనున్నారు.
Updated Date - 2023-04-13T17:53:47+05:30 IST