TCongress: మల్లు రవి కీలక ప్రకటన.. ఈ నెల 30న...
ABN, First Publish Date - 2023-07-24T18:25:19+05:30
కొల్లాపూర్‌లో ఈ నెల 30న నిర్వహించతలపెట్టిన బహిరంగ సభకు సంబంధించి పీసీసీ ఉపాధ్యక్షుడు మల్లు రవి (Mallu Ravi) కీలక విషయాలు వెల్లడించారు. ఈ సభలో కాంగ్రెస్ ప్రియాంక గాంధీ పాల్గొంటారని నిర్ధారించారు. కాగా ఈ సభలో మహిళా డిక్లరేషన్‌ను (Women decleration) ప్రకటిస్తామని తెలిపారు.
హైదరాబాద్‌: కొల్లాపూర్‌లో ఈ నెల 30న నిర్వహించతలపెట్టిన బహిరంగ సభకు సంబంధించి పీసీసీ ఉపాధ్యక్షుడు మల్లు రవి (Mallu Ravi) కీలక విషయాలు వెల్లడించారు. ఈ సభలో కాంగ్రెస్ ప్రియాంక గాంధీ పాల్గొంటారని నిర్ధారించారు. కాగా ఈ సభలో మహిళా డిక్లరేషన్‌ను (Women decleration) ప్రకటిస్తామని తెలిపారు.
ఈ సందర్భంగా మాట్లాడుతూ.. కాంగ్రెస్ నుంచి బీఆర్‌ఎస్‌లోకి (BRS) ఎవరూ వెళ్లరని దీమా వ్యక్తం చేశారు. వచ్చే ఎన్నికల్లో కాంగ్రెస్ గెలుపు ఖాయమన్నారు. మరోవైపు కొల్లాపూర్‌లో నిర్వహించే ఈ సభలో జూపల్లి కృష్ణారావుతోపాటు పలువురు కాంగ్రెస్‌లో చేరనున్న విషయం తెలిసిందే. కాగా ఖమ్మం సభ ద్వారా పార్టీకి వచ్చిన ఊపు కొనసాగించాలని తెలంగాణ కాంగ్రెస్ నాయకత్వం భావిస్తోంది. ఇందుకు కొల్లాపూర్ సభను వేదికగా మార్చుకోవాలని చూస్తోంది. జూపల్లి కృష్ణరావు పార్టీలో చేరే ఈ సభకు ప్రియాంక గాంధీ ముఖ్యఅతిథిగా విచ్చేయనుండడంతో పార్టీ కేడర్‌లో మరింత ఉత్సాహం రావడం ఖాయమని పార్టీ భావిస్తోంది.
Updated Date - 2023-07-24T18:29:45+05:30 IST