Road Accident: కీసర రోడ్డు ప్రమాదంలో ఇద్దరు మృతి..
ABN, First Publish Date - 2023-10-07T13:31:01+05:30
జిల్లాలోని కీసరలో జరిగిన రోడ్డు ప్రమాదంలో ఇద్దరు మృతి చెందారు. స్నేహితులంతా కలిసి కారులో లాంగ్ డ్రైవ్‌కు వెళ్లి తిరిగి వస్తుండగా ఈ ప్రమాదం చోటు చేసుకుంది.
రంగారెడ్డి: జిల్లాలోని కీసరలో జరిగిన రోడ్డు ప్రమాదంలో ఇద్దరు మృతి చెందారు. స్నేహితులంతా కలిసి కారులో లాంగ్ డ్రైవ్‌కు వెళ్లి తిరిగి వస్తుండగా ఈ ప్రమాదం చోటు చేసుకుంది. ఈ ఘటనలో ఇద్దరు వ్యక్తులు మృతి చెందగా.. మరో ముగ్గురు తీవ్రంగా గాయపడ్డారు. సికింద్రాబాద్ నుంచి రూబెన్ అనే వ్యక్తి కారులో స్నేహితులంతా కలిసి కారు తీసుకుని కీసర వైపు వెళ్లారు. కీసర నుండి తిరిగి వస్తున్న సమయంలో యద్గార్‌పల్లి వద్ద రోడ్డు ప్రమాదం జరిగింది. భవేష్, తుషార అక్కడికక్కడే మృతి చెందగా.. రుబెన్, పిలిప్‌, హరిప్రియ తీవ్రంగా గాయపడ్డారు. ప్రమాద సమయంలో రూబెన్ కారు నడుపుతున్నాడు. సమాచారం అందిన వెంటనే పోలీసులు అక్కడకు చేరుకుని గాయపడిన వారిని స్థానిక ఆస్పత్రికి తరలించారు. అలాగే మృతదేహాలను గాంధీ ఆస్పత్రికి తరలించారు. గాంధీ ఆసుపత్రిలో పోస్టుమార్టం అనంతరం మృతదేహాలను కుటుంబసభ్యులకు పోలీసులు అప్పగించనున్నారు. కారులో మద్యం బాటిల్లు లభ్యమైనట్లు పోలీసులు తెలిపారు. కేసు నమోదు చేసిన పోలీసులు దర్యాప్తు చేపట్టారు.
Updated Date - 2023-10-07T13:33:08+05:30 IST