బద్ది పోచమ్మ ఆలయంలో బోనాల జాతర
ABN, Publish Date - Dec 27 , 2023 | 12:06 AM
రాజరాజేశ్వరస్వామివారి అనుబంధ దేవాలయమైన బద్ది పోచమ్మ ఆలయం మంగళవారం భారీ సంఖ్యలో తరలివచ్చిన భక్తులతో జాతరను తలపించింది.
క్యూలైన్లలో బారులుదీరిన భక్తులు
వేములవాడ, డిసెంబరు 26 : రాజరాజేశ్వరస్వామివారి అనుబంధ దేవాలయమైన బద్ది పోచమ్మ ఆలయం మంగళవారం భారీ సంఖ్యలో తరలివచ్చిన భక్తులతో జాతరను తలపించింది. మేడారం సమ్మక్క సారక్క జాతర సమీపిస్తుండడం, వరుస సెలవులు రావడంతో వేములవాడలో భక్తుల సంఖ్య పెరిగింది. ఈ క్రమంలో సోమవారం తమ ఇష్టదైవమైన రాజరాజేశ్వర స్వామి వారిని దర్శించుకున్న వేలాది మంది భక్తులు ఆనవాయితీ ప్రకారం మంగళవారం బద్ది పోచమ్మ అమ్మవారిని దర్శించుకున్నారు. బద్ది పోచమ్మ అమ్మవారికి మొక్కులు చెల్లించుకున్నారు. భక్తులకు ఇబ్బందులు కలగకుండా ఆలయ అధికారులు ఏర్పాట్లు చేశారు.
Updated Date - Dec 27 , 2023 | 12:06 AM
