ముగిసిన మెగా వాలీబాల్‌ పోటీలు
ABN, First Publish Date - 2023-01-10T23:15:27+05:30
పినపాక ప్రెస్‌ క్లబ్‌ ఆధ్వర్యంలో గత ఐదు రోజులుగా హోరాహోరీగా సాగిన భద్రాద్రి కొత్తగూడెం, ములుగు జిల్లాల జిల్లా స్థాయి మెగా వాలీబాల్‌ టోర్నమెంట్‌ మంగళవారం ముగిసింది.
పినపాక, జనవరి 10: పినపాక ప్రెస్‌ క్లబ్‌ ఆధ్వర్యంలో గత ఐదు రోజులుగా హోరాహోరీగా సాగిన భద్రాద్రి కొత్తగూడెం, ములుగు జిల్లాల జిల్లా స్థాయి మెగా వాలీబాల్‌ టోర్నమెంట్‌ మంగళవారం ముగిసింది. నాకౌట్‌ దశకు చేరుకున్న 16 టీమ్‌ లకు ఏడూళ్లబయ్యారం సీఐ బి.రాజగోపాల్‌, పినపాక ప్రెస్‌క్లబ్‌ అధ్యక్షుడు తోట గంగాధర్‌ జెర్సీలను బహుకరించారు. ఫైనల్‌ మ్యాచ్‌ అత్యంత హోరాహోరీగా సాగింది. ఈ సందర్భంగా భ ద్రాద్రి జిల్లా, పినపాక మండలానికి చెందిన మల్లారం జట్టు వి జేతగా నిలవగా, ములుగు జిల్లా తాడ్వాయి మండలానికి చెం దిన నిమ్మగూడెం డెక్కన్‌ జట్టు రన్నరప్‌గా నిలిచింది. మొదటి బహుమతిని పినపాక జడ్పీటీసీ దాట్ల సుభద్రాదేవి వాసుబాబు ప్రకటించి, అందించగా, రెండో బహుమతి పినపాక లయన్స్‌ క్లబ్‌ అధ్యక్షుడు గంగిరెడ్డి సతీష్‌రెడ్డి, మణుగూరు లయన్స్‌ క్లబ్‌ అధ్యక్షుడుఉ దండా రాధాకృష్ణ ప్రకటించి అందించారు. ఈ కార్యక్రమంలో పినపాక ఎంపీపీ గుమ్మడి గాంధీ, తహశీల్ధార్‌ ఉషాశారద, జడ్పీటీసీ దాట్ల సుభద్రాదేవి వాసుబాబు, ఏడూళ్ల బయ్యారం సీఐ బి.రాజగోపాల్‌, ఎస్‌ఐ టీవీఆర్‌ సూరి, లయన్స్‌ క్లబ్‌ అధ్యక్షుడు గంగిరెడ్డి సతీష్‌రెడ్డి, ఎంపీటీసీ సత్యం, ప్రెస్‌ క్లబ్‌ కార్యదర్శి బృహస్పతి, ఉపాధ్యక్షులు కట్టా శ్రీనివాస్‌రావు, బొగ్గం రమేష్‌ తదితరులు పాల్గొన్నారు.
Updated Date - 2023-01-10T23:15:44+05:30 IST