CM KCR: మహబూబ్నగర్ జిల్లాలో నేడు సీఎం కేసీఆర్ పర్యటన
ABN, First Publish Date - 2023-11-06T07:10:39+05:30
హైదరాబాద్: తెలంగాణలో అసెంబ్లీ ఎన్నికల నేపథ్యంలో ముఖ్యమంత్రి కేసీఆర్ ప్రచారంలో దూసుకెళ్తున్నారు. రాష్ట్రవ్యాప్తంగా ప్రజా ఆశీర్వాద సభలు నిర్వహించి బీఆర్ఎస్ నేతల్లతో ఉత్సాహాన్ని నింపుతున్నారు.
హైదరాబాద్: తెలంగాణలో అసెంబ్లీ ఎన్నికల (Telangana Assembly Elections) నేపథ్యంలో ముఖ్యమంత్రి కేసీఆర్ (CM KCR) ప్రచారంలో దూసుకెళ్తున్నారు. రాష్ట్రవ్యాప్తంగా ప్రజా ఆశీర్వాద సభలు నిర్వహించి బీఆర్ఎస్ (BRS) నేతల్లతో ఉత్సాహాన్ని నింపుతున్నారు. ఈ నేపథ్యంలో సోమవారం ఉమ్మడి మహబూబ్నగర్ జిల్లాలో సీఎం కేసీఆర్ పర్యటించనున్నారు. మూడు జిల్లాలు.. నాలుగు ప్రాంతాల్లో సుడిగాలి పర్యటన చేపట్టనున్నారు. ఈ రోజు మధ్యాహ్నం 12:30 గంటలకు దేవరకద్ర (Devarakadra), 1:30 గంటలకు గద్వాల (Gadwal), 2:40 గంటలకు మక్తల్ (Maktal), 4:00 గంటలకు నారాయణపేట (Narayanapeta) నియోజకవర్గాల్లోని ప్రజా ఆశీర్వాద ప్రచార సభలు నిర్వహించనున్నారు. ముఖ్యమంత్రి పర్యటన నేపథ్యంలో ఆయా ప్రాంతాల్లో పార్టీశ్రేణులు భారీ ఏర్పాట్లు చేస్తున్నారు. అన్నిచోట్ల పెద్ద ఎత్తున జనాన్ని సమీకరించేందుకు ఇప్పటికే పార్టీ అభ్యర్థులు సమావేశాలు నిర్వహించి నాయకులు, కార్యకర్తలకు దిశానిర్దేశం చేశారు. సీఎం కేసీఆర్ నాలుగు చోట్ల ప్రజా ఆశీర్వాద సభల్లో పాల్గొంటుండడంతో ఆయా నియోజకవర్గాల పోలీసు యంత్రాంగం భారీ భద్రతా ఏర్పాట్లు చేపట్టింది.
Updated Date - 2023-11-06T07:10:41+05:30 IST