భక్తిశ్రద్ధలతో నవచండీయాగం
ABN, First Publish Date - 2023-01-23T23:15:36+05:30
మండల పరిధిలోని నదీ అగ్రహారంలో నవచండీ యాగాన్ని భక్తిశ్రద్ధలతో నిర్వహిస్తున్నారు. అందులో భాగంగా ఆదివారం లక్ష్మీ నారాయణ కల్యాణం, సోమవారం సహస్ర లింగార్చన నిర్వహించారు.
- హాజరైన బీజేపీ జాతీయ ఉపాధ్యక్షురాలు డీకే అరుణ
గద్వాల రూరల్‌, జనవరి 23 : మండల పరిధిలోని నదీ అగ్రహారంలో నవచండీ యాగాన్ని భక్తిశ్రద్ధలతో నిర్వహిస్తున్నారు. అందులో భాగంగా ఆదివారం లక్ష్మీ నారాయణ కల్యాణం, సోమవారం సహస్ర లింగార్చన నిర్వహించారు. దాదాపు 15 మంది వేద పండితుల ఆధ్వర్యంలో ఉదయం గణపతి పూజ, దేవాతాస్థాపనం, మహా ధన్వంతరీ, పవమాన హవన పూర్వక శతృ పరాజయ, మాన్యసూక్త హోమం, పూర్ణాహుతి నిర్వహించారు. సాయంత్రం కైలాస పురస్సర ఉమా పార్థివ లింగేశ్వర దేవతా సహస్ర లింగార్చన చతుర్వేద సేవ చేశారు. బీజేపీ జాతీయ ఉపాధ్యాక్షురాలు డీకే అరుణ హాజరై ప్రత్యేక పూజలు చేశారు. ఆమె వెంట పార్టీ రాష్ట్ర కార్యవర్గ సభ్యుడు గడ్డం కృష్ణారెడ్డి, జిల్లా అధ్యక్షుడు రామచంద్రారెడ్డి, కన్వీనర్‌ రామాంజనేయులు, నాయకులు సంజీవ్‌ భరధ్వాజ్‌, నాగేందర్‌ యాదవ్‌, ఆల్వాల్‌ రాజశేఖర్‌రెడ్డి, రామక్రిష్ణ, గీతారెడ్డి, బాలు, మోహన్‌యాదవ్‌, రామ్‌ప్రసాద్‌ పాల్గొన్నారు.
Updated Date - 2023-01-23T23:15:37+05:30 IST