ఘనంగా లూయిస్‌ బ్రెయిలీ జయంతి
ABN, First Publish Date - 2023-01-04T22:41:00+05:30
సిద్దిపేట అగ్రికల్చర్‌, జనవరి 4: జిల్లా స్త్రీ శిశు సంక్షేమశాఖ ఆధ్వర్యంలో 214వ లూయిస్‌ బ్రెయిలీ జయంతిని బుధవారం నిర్వహించారు.
సిద్దిపేట అగ్రికల్చర్‌, జనవరి 4: జిల్లా స్త్రీ శిశు సంక్షేమశాఖ ఆధ్వర్యంలో 214వ లూయిస్‌ బ్రెయిలీ జయంతిని బుధవారం నిర్వహించారు. ఈ కార్యక్రమానికి ముఖ్యఅతిథిగా జడ్పీ చైర్‌పర్సన్‌ రోజాశర్మ హాజరై మాట్లాడారు. అంధుల సంఘం విజ్ఞప్తి మేరకు సిద్దిపేటలో లూయిస్‌ బ్రెయిలీ విగ్రహ ఏర్పాటుకు కృషి చేస్తామని, అదేవిధంగా వారి సమస్యలన్నింటినీ ప్రభుత్వం దృష్టికి తీసుకెళ్లి పరిష్కారం దిశగా తన వంతు సహాయ, సహకారాలు అందిస్తానని పేర్కొన్నారు. ఈ కార్యక్రమం అనంతరం కేక్‌ కటింగ్‌ చేసి, దివ్యాంగులశాఖ రూపొందించిన బ్రెయిలీ లిపి నూతన క్యాలెండర్‌ను ఆవిష్కరించారు. అనంతరం ఆమె అంధులను సన్మానించారు. ఈ కార్యక్రమంలో జిల్లా సంక్షేమ అధికారి రాంగోపాల్‌రెడ్డి, అంధ ఉద్యోగుల అసోసియేషన్‌ రాష్ట్ర అధ్యక్షుడు శ్రీనివాస్‌, అంజయ్య, నందన్‌ పాల్గొన్నారు.
Updated Date - 2023-01-04T22:41:01+05:30 IST