సిద్దిపేట శివారులో క్షుద్రపూజల కలకలం
ABN, First Publish Date - 2023-11-02T00:20:47+05:30
సిద్దిపేట పట్టణ శివారులోని కేంద్రీయ విద్యాలయం, ముస్లిం మైనార్టీ రెసిడెన్షియల్‌ స్కూల్‌ సమీపంలో గుర్తు తెలియని దుండగులు క్షుద్ర పూజలు జరిపిన ఆనవాళ్లు కనిపించాయి.
సిద్దిపేట క్రైం, నవంబరు 1: సిద్దిపేట పట్టణ శివారులోని కేంద్రీయ విద్యాలయం, ముస్లిం మైనార్టీ రెసిడెన్షియల్‌ స్కూల్‌ సమీపంలో గుర్తు తెలియని దుండగులు క్షుద్ర పూజలు జరిపిన ఆనవాళ్లు కనిపించాయి. ఘటనా స్థలంలో నిమ్మకాయలు, గుమ్మడికాయ, కొబ్బరికాయ, బియ్యంతో పాటు తాయెత్తు, నల్ల కోడిని కోసి వేప కొమ్మలతో పూజలు చేశారు. బుధవారం ఈ విషయాన్ని గమనించిన సమీపంలోని కల్వకుంట కాలనీ, రామచంద్రనగర్‌, వాసులు ఆందోళనకు గురయ్యారు. రెసిడెన్షియల్‌ స్కూల్‌, కేంద్రీయ విద్యాలయం వద్ద ఇలాంటి సంఘటనలు జరుగుతుండడంతో విద్యార్థుల తల్లిదండ్రులు తమ పిల్లలను స్కూలుకు పంపాలంటే జంకుతున్నారు. పోలీసులు రాత్రిపూట ప్రత్యేకంగా పెట్రోలింగ్‌ నిర్వహించాలని స్థానికులు కోరుతున్నారు.
Updated Date - 2023-11-02T00:20:47+05:30 IST