TS News: మళ్ళీ వివాదంలో తెలంగాణ యూనివర్సిటీ రిజిస్ట్రార్ సిటు వ్యవహారం
ABN, First Publish Date - 2023-05-29T20:30:45+05:30
తెలంగాణ యూనివర్సిటీ రిజిస్ట్రార్ సిటు వ్యవహారం మళ్ళీ వివాదస్పదంగా మారింది.
నిజామాబాద్: తెలంగాణ యూనివర్సిటీ రిజిస్ట్రార్ సిటు వ్యవహారం మళ్ళీ వివాదస్పదంగా మారింది. తెలంగాణ యూనివర్సిటీలో మళ్ళీ రిజిస్ట్రార్‌గా భాద్యతలు ప్రొఫెసర్ యాదగిరి చేపట్టారు. రెండు రోజుల క్రితమే ప్రొఫెసర్ కనకయ్యను రిజిస్ట్రార్‌గా వైస్ చాన్సులర్ రవీందర్ గుప్తా నియమించారు. రిజిస్ట్రార్ కుర్చీ కోసం వైస్ చాన్సులర్, పాలక మండలి సభ్యుల మధ్య యుద్ధం కొనసాగుతోంది. దాంతో యూనివర్సిటీ పరువును బజారుకీడుస్తున్నారని విద్యార్థులు, సిబ్బంది ఆగ్రహం వ్యక్తం చేస్తున్నారు. రిజిస్ట్రార్ సిటు విషయంలో నెలల తరబడి ఉత్కంఠ కొనసాగుతోంది. ఇప్పటికే 6గురు రిజిస్ట్రార్ల మార్పుతో ఆందోళన కొనసాగుతోంది. రిజిస్ట్రార్ ఛాంబర్ ఎదుట విద్యార్థి సంఘాల నేతలు ఆందోళనకు దిగారు. ఎవరు రిజిస్ట్రారో తేల్చాలని విద్యార్థులు పట్టుబడుతున్నారు. ఇద్దరు రిజిస్ట్రార్లతో విద్యార్థులు, సిబ్బంది వివాదానికి దిగారు.
Updated Date - 2023-05-29T20:30:45+05:30 IST