చెరువులో మునిగి జాలరి మృతి
ABN, First Publish Date - 2023-01-02T23:46:41+05:30
చేపల కోసం చెరువులోకి దిగిన వ్యక్తి నీట మునిగి మృతిచెందాడు. ఈ సంఘటన కాశీంపూర్‌ శివారులో ఆదివారం రాత్రి చోటుచేసుకుంది.
బషీరాబాద్‌, జనవరి 2: చేపల కోసం చెరువులోకి దిగిన వ్యక్తి నీట మునిగి మృతిచెందాడు. ఈ సంఘటన కాశీంపూర్‌ శివారులో ఆదివారం రాత్రి చోటుచేసుకుంది. ఎస్సై విద్యాచరణ్‌రెడ్డి తెలిపిన వివరాల ప్రకారం... గ్రా మానికి చెందిన బోయిని రాములు(38) ఆదివారం సాయంత్రం మరో ఇద్దరితో కలిసి చెరువుకు వెళ్లాడు. చేపల కోసం వలవేసి తీసేందుకు కొద్దిసేపటికి నీటిలోకి దిగాడు. వల కాళ్లకు తట్టుకొని ఈదలేక నీటమునిగి చనిపోయాడు. కట్టపై ఉన్న మరో ఇద్దరు గమనించి గ్రామస్తులకు తెలిపారు. గ్రామస్తులొచ్చి రాములు మృతదేహాన్ని వెలికి తీశారు. గ్రామస్తుల సమాచారంతో పోలీసులు రాత్రికి అక్కడికి చేరుకొని మృతదేహాన్ని పోస్టుమార్టం కోసం తాండూరు ఆస్పత్రికి తరలించారు. మంగళవారం ఉదయం పోస్టుమార్టం అనంతరం డెడ్‌బాడీని అప్పగించారు. రాములు భార్య జ్యోతమ్మ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ వివరించారు.
Updated Date - 2023-01-02T23:46:42+05:30 IST