TS News: బాలుడిని బలవంతంగా లాక్కెళ్లిన గాంజా గ్యాంగ్.. ఎంతకు తెగించారంటే...
ABN, First Publish Date - 2023-03-02T10:42:18+05:30
జిల్లాలోని మైలార్‌దేవిపల్లిలో గాంజా గ్యాంగ్ రెచ్చిపోయింది. గాంజా మత్తులో మైనర్ బాలుడిపై దాడికి ఒడిగట్టారు.
రంగారెడ్డి: జిల్లాలోని మైలార్‌దేవిపల్లిలో గాంజా గ్యాంగ్ (Ganja Gang) రెచ్చిపోయింది. గాంజా మత్తులో మైనర్ బాలుడిపై దాడికి ఒడిగట్టారు. కిరాణా కొట్టులో కూర్చున్న ఓ బాలుడిని గాంజా గ్యాంగ్ బలవంతంగా దానమ్మ జోపిడి గుట్టల వద్దకు తీసుకుని వెళ్లింది. గాంజాకు డబ్బులు ఇవ్వాలని బాలుడు సమీర్ బట్టలు విప్పి బెల్ట్, కర్రలతో దాడి చేశారు. బాలుడిని ముఠా సభ్యులు తీవ్రంగా హింసించారు. ఈ దాడిలో సమీర్ తీవ్రంగా గాయపడ్డారు. గాంజా గ్యాంగ్ నుంచి ఎలాగోలా తప్పించుకున్న సమీర్ ఇంటికి చేరుకున్నాడు.
సమీర్ ఒంటిపై గాయాలు చూసిన కుటుంబసభ్యులు వెంటనే అతడిని హుటాహుటిన ఆసుపత్రికి తరలించారు. తనను కిరాణాకొట్టు నుండి కొంత మంది తీసుకొని వెళ్లి డబ్బులు ఇవ్వాలని విచక్షణారహితంగా కొట్టారంటూ తల్లిదండ్రులకు బాలుడు చెప్పారు. గాంజా గ్యాంగ్ దారుణంపై మైలార్‌దేవిపల్లి పోలీస్‌స్టేషన్‌లో బాలుడి తల్లిదండ్రులు ఫిర్యాదు చేశారు. మహ్మద్ సైఫ్, అబ్బూ, సమీర్‌తో పాటు మరో ఐదుగురపై ఫిర్యాదు చేశారు. అయితే తమపై కేసు పెట్టారని తెలిసిన ముఠా సభ్యులు.. ‘‘నీకు దిక్కు ఉన్న చోట చెప్పుకో ఇప్పటికే ఇద్దరిని హత్య చేశాం’’ అంటూ బాలుడిని బెదిరించారు. కేసు నమోదు చేసిన పోలీసులు దర్యాప్తు చేపట్టారు.
Updated Date - 2023-03-02T10:42:18+05:30 IST