TS News: ముస్లిం యువతిని ప్రేమించాడని ఆ యువకుడిని ఏం చేశారంటే...
ABN, First Publish Date - 2023-05-22T14:11:33+05:30
ఘట్‌కేసర్ పోలీస్‌స్టేషన్ పరిధిలోని పోచారం మున్సిపల్ అన్నోజిగూడలోని ఓ క్రషర్ గుంతలో నలుగురు యువకులు ఈతకు రాగా.. అందులో మహేష్(20) అనే యువకుడు నీటిలో మునిగి మృతి చెందాడు. మహేష్ ప్రమాదవశాత్తు నీటిలో మునిగి చనిపోయాడని అంతా భావించారు.
మేడ్చల్: ప్రేమించిన పాపానికి ఈత పేరుతో ప్రేమికుడి హత్య ఉదంతం బయటపడింది. ఘట్‌కేసర్ పోలీస్‌స్టేషన్ పరిధిలోని పోచారం మున్సిపల్ అన్నోజిగూడలోని ఓ క్రషర్ గుంతలో నలుగురు యువకులు ఈతకు రాగా.. అందులో మహేష్(20) అనే యువకుడు నీటిలో మునిగి మృతి చెందాడు. మహేష్ ప్రమాదవశాత్తు నీటిలో మునిగి చనిపోయాడని అంతా భావించారు. అయితే మహేష్ తల్లి లక్ష్మీ చేసిన వ్యాఖ్యలతో అంతా ఆశ్చర్యపోయారు. తన కుమారుడిది ప్రమాదవశాత్తు మరణం కాదని హత్య చేశారని ఆరోపించారు. ఓ ముస్లిం యువతిని ప్రేమించడమే అందుకు కారణమని చెప్పుకొచ్చారు. తన కుమారుడు మహేష్ వినాయకనగర్‌లో ముస్లిం అమ్మాయిని ప్రేమించాడని.. ఇదే విషయంపై గత వారం తమ ఇంటి వద్దే మహేష్‌పై దాడి చేశారని వాపోయారు. అదే క్రమంలో ముస్లిం అమ్మాయి సోదరుడు స్నేహం పేరుతో మహేష్‌ను నమ్మించి ఈతకు తీసుకెళ్లి ప్రాణాలు తీశాడని తల్లి లక్ష్మీ ఆరోపించారు. ప్రస్తుతం మృతుడి నలుగురు స్నేహితులు పోలీసుల అదుపులో ఉన్నారు. కేసు నమోదు చేసిన పోలీసులు దర్యాప్తు చేపట్టారు. మహేష్ కోసం డీఆర్‌ఎఫ్‌ బృందాల సహాయంతో పోలీసులు గాలింపు చర్యలు చేపట్టగా.. ఈరోజు తెల్లవారుజామున మృతదేహం లభ్యమైంది. కేసు నమోదు చేసిన పోలీసులు దర్యాప్తు చేపట్టారు.
Updated Date - 2023-05-22T14:43:38+05:30 IST