TS News: ఒక్కసారిగా కారు టైర్ బ్లాస్ట్.. అంతలోనే లారీ రావడంతో..
ABN, First Publish Date - 2023-07-26T11:10:06+05:30
టైరు బ్లాస్ట్ అవడంతో ఓ కారు.. లారీ కిందకు దూసుకుపోయిన ఘటన రంగారెడ్డి జిల్లాలో చోటు చేసుకుంది.
రంగారెడ్డి: టైరు బ్లాస్ట్ అవడంతో ఓ కారు.. లారీ కిందకు దూసుకుపోయిన ఘటన రంగారెడ్డి జిల్లాలో చోటు చేసుకుంది. రాజేంద్రనగర్ సర్కిల్ మైలర్‌దేవ్‌పల్లి బస్‌స్టాప్‌ వద్ద రోడ్డు ప్రమాదం సంభవించింది. దుర్గానగర్ నుంచి చంద్రయాన్ గుట్ట వైపు వెళుతున్న మారుతి కార్ టైర్ ఒక్కసారిగా పేలింది. దీంతో కారు అదుపుతప్పి పక్క నుంచి వెళ్తున్న లారీని బలంగా ఢీకొట్టింది. ఈ ఘటనలో కారులోని ప్రయాణికులు స్వల్పంగా గాయపడ్డారు. అయితే కారు టైర్ బ్లాస్ట్ కావడంతో పెద్దగా శబ్దం రావడంతో బస్టాప్‌లో ఉన్న స్థానికులు భయంతో పరుగులు పెట్టారు. కారు టైర్ బ్లాస్ట్ గురించి తెలిసి అంతా ఊపిరిపీల్చుకున్నారు. స్థానికుల సమాచారం మేరకు వెంటనే మైలర్‌దేవ్‌పల్లి పోలీసులు అక్కడకు చేరుకుని గాయపడిన వారిని స్థానిక ఆస్పత్రికి తరలించారు. ఈ ప్రమాదంపై పోలీసులు కేసు నమోదు చేసి దర్యాప్తు చేపట్టారు.
Updated Date - 2023-07-26T11:10:06+05:30 IST