TS News: ఘట్‌కేసర్‌లో అదృశ్యమైన బాలుడు మృతి
ABN, First Publish Date - 2023-05-05T14:00:02+05:30
ఘట్‌కేసర్‌లో విషాదం చోటు చేసుకుంది.
రంగారెడ్డి: ఘట్‌కేసర్‌లో విషాదం చోటు చేసుకుంది. ఘాట్‌కేసర్ కొండాపూర్‌లో అదృశ్యమైన బాలుడు మృత్యువాతపడ్డాడు. మూడు రోజుల క్రితం వర్షంలో బయటకు వెళ్లిన బాలుడు సంతోష్ కనిపించకుండాపోయాడు. తల్లిదండ్రుల ఫిర్యాదు మేరకు పోలీసులు కేసు నమోదు చేసి బాలుడి కోసం గాలించగా.. ఈరోజు చెరువులో బాలుడి మృతదేహాన్ని గుర్తించారు. గత రెండు రోజులుగా బాలుడు సంతోష్ కోసం కొండాపూర్ చెరువులో గాలింపు చేపట్టారు. అయితే చెరువు పక్కన ఉన్న వాసవి వెంచర్ మాన్‌హోల్‌లో బాలుడి మృతదేహం లభ్యమైంది. బాలుడి మృతదేహాన్ని చూసి తల్లిదండ్రులు కన్నీరుమున్నీరుగా విలపిస్తున్నారు. అయితే సంతోష్ మృతి పట్ల కుటుంబసభ్యులు అనుమానాలు వ్యక్తం చేస్తున్నారు. బాలుడిని హత్య చేశారా?.. ప్రమాదవశాత్తు పడిపోయాడా అనే కోణంలో పోలీసులు దర్యాప్తు చేపట్టారు.
Updated Date - 2023-05-05T14:00:02+05:30 IST