TS News: ఎమ్మెల్యే రాజయ్యకు నిరసన సెగ
ABN, First Publish Date - 2023-06-16T19:56:25+05:30
జనగామ జిల్లా స్టేషన్‌ఘన్‌పూర్‌ ఎమ్మెల్యే తాటికొండ రాజయ్య (MLA Tatikonda Rajaiah)కు నిరసన సెగ తగిలింది. శుక్రవారం ఆయన రఘునాథపల్లి మండలం రామన్నగూడెం
జనగామ: జనగామ జిల్లా స్టేషన్‌ఘన్‌పూర్‌ ఎమ్మెల్యే తాటికొండ రాజయ్య (MLA Thatikonda Rajaiah)కు నిరసన సెగ తగిలింది. శుక్రవారం ఆయన రఘునాథపల్లి మండలం రామన్నగూడెం (Ramannagudem)లో పర్యటిస్తుండగా గ్రామస్థులు అడ్డుకున్నారు. గో..బ్యాక్‌ అంటూ నినాదాలు చేశారు. ‘‘ఇప్పటివరకు మా గ్రామానికి ఏం చేశావని మళ్లీ వస్తున్నావ్‌... నాలుగు సార్లు ఎమ్మెల్యేగా గెలిపించినా ఎక్కడి సమస్యలు అక్కడే ఉన్నాయి’’ అంటూ నిరసన వ్యక్తం చేశారు. గ్రామస్థులు మూకుమ్మడిగా ఎమ్మెల్యేకు వ్యతిరేకంగా నినాదాలు చేయడంతో పోలీసులు జోక్యం చేసుకొని వారిని శాంతింపజేయడానికి ప్రయత్నించారు. దీంతో ‘‘మేము ఓటు వేసి గెలిపించుకున్న ఎమ్మెల్యేను మా సమస్యలను పరిష్కరించడంలో ఎందుకు నిర్లక్ష్యం వహిస్తున్నావని నిరసన వ్యక్తం చేయడం తప్పా’’ అంటూ పోలీసులను ప్రశ్నించారు. చివరికి పోలీసులు వారికి నచ్చజెప్పి పంపించారు.
Updated Date - 2023-06-16T19:56:25+05:30 IST