జీఎ్‌సటీ వసూళ్లు రూ.1.64 లక్షల కోట్లు
ABN, Publish Date - Jan 02 , 2024 | 04:41 AM
గత ఏడాది డిసెంబరులో వస్తు, సేవల పన్ను (జీఎ్‌సటీ) స్థూల వసూళ్లు రూ.1.64 లక్షల కోట్లుగా నమోదయ్యాయి. 2022 డిసెంబరులో గడించిన రూ.1.49 లక్షల కోట్ల స్థూల ఆదాయంతో పోలిస్తే...
గతనెలలో 10ు వృద్ధి నమోదు
ఏపీ వసూళ్లు రూ.3,545 కోట్లు..
తెలంగాణలో రూ.4,753 కోట్లు
న్యూఢిల్లీ: గత ఏడాది డిసెంబరులో వస్తు, సేవల పన్ను (జీఎ్‌సటీ) స్థూల వసూళ్లు రూ.1.64 లక్షల కోట్లుగా నమోదయ్యాయి. 2022 డిసెంబరులో గడించిన రూ.1.49 లక్షల కోట్ల స్థూల ఆదాయంతో పోలిస్తే 10 శాతం వృద్ధి నమోదైంది. కేంద్ర ఆర్థిక శాఖ సోమవారం విడుదల చేసిన డేటా ప్రకారం.. గతనెలకు జీఎ్‌సటీ వసూళ్లు రూ.1,64,882 కోట్లుగా ఉన్నాయి. అందులో సెంట్రల్‌ జీఎ్‌సటీ రూ.30,443 కోట్లు, స్టేట్‌ జీఎ్‌సటీ రూ.37,935 కోట్లు, ఇంటిగ్రేటెడ్‌ జీఎ్‌సటీ రూ.84,225 కోట్లుగా ఉంది. సెస్సు రూపంలో మరో రూ.12,249 కోట్లు వసూలయ్యాయి. రెగ్యులర్‌ సెటిల్‌మెంట్‌లో భాగంగా ఐజీఎ్‌సటీ ఆదాయంలో రూ.40,057 కోట్లను సీజీఎ్‌సటీలో, రూ.33,652 కోట్లు ఎస్‌జీఎ్‌సటీలో జమచేసింది. అనంతరం సీజీఎ్‌సటీ రూ.70,501 కోట్లు, ఎస్‌జీఎ్‌సటీ రూ.71,587 కోట్లకు చేరుకున్నాయి. కాగా, గతనెల ఆంధ్రప్రదేశ్‌లో జీఎస్‌టీ వసూళ్లు వార్షిక ప్రాతిపదికన 11 శాతం వృద్ధి చెంది రూ.3,545 కోట్లకు చేరుకోగా.. తెలంగాణలో ఆదా యం 14 శాతం వృద్ధితో రూ.4,753 కోట్లకు పెరిగాయి.
9 నెలల ఆదాయం రూ.14.97 లక్షల కోట్లు
2023-24 ఆర్థిక సంవత్సరంలో గడిచిన 9 నెలల కాలానికి జీఎ్‌సటీ ఆదాయం వార్షిక ప్రాతిపదికన 12 శాతం వృద్ధితో రూ.14.97 లక్షల కోట్లకు చేరుకుంది. గత ఆర్థిక సంవత్సరంలో ఇదే కాలానికి వసూళ్లు రూ.13.40 లక్షల కోట్లుగా నమోదయ్యాయి. అంతేకాదు, గడిచిన 9 నెలలకు సరాసరి నెలవారీ ఆదాయం రూ.1.66 లక్షల కోట్లకు పెరిగింది. అంతక్రితం ఏడాదిలో ఇదే కాలానికి నమోదైన నెలవారీ సగటు రూ.1.49 లక్షల కోట్లతో పోలిస్తే 12 శాతం అధికమిది. అలాగే, ఈ ఆర్థిక సంవత్సరంలో మే, ఆగస్టు మినహా మిగతా ఏడు నెలల్లో జీఎ్‌సటీ ఆదాయం రూ.1.60 లక్షల కోట్లను మించి నమోదుకావడం గమనార్హం.
Updated Date - Jan 02 , 2024 | 04:41 AM
