హైకు
ABN, Publish Date - Jan 01 , 2024 | 03:40 AM
రాలుతున్న తుహిన కణాలతో ఈ నశ్వర ప్రపంచం - కడగాలని వుంది...
రాలుతున్న తుహిన కణాలతో
ఈ నశ్వర ప్రపంచం -
కడగాలని వుంది
బషో (జపాన్‌)
పుట్టగానే స్నానం
చావగానే స్నానం -
ఎంత మూర్ఖం
ఇస్సా (జపాన్‌)
హేమంత రాత్రి -
సాలెపురుగును చంపాక
నేనెంత ఏకాకిని
షికి (జపాన్‌)
సముద్ర తీరంలో
తలతిప్పి చూస్తే -
నా పాదముద్రలేవీ లేవు
హొసయ్‌ ఒజకి (జపాన్‌)
ఖాళీ రేవులో
చంద్రునితో -
నౌక మౌన సంభాషణ
చక్‌ బ్రిక్లీ (అమెరికా)
వేసవి రాత్రి
దీపాలన్నీ ఆర్పేసాం -
వర్షపుసడి వినడానికి
పెన్నీ హార్టర్‌ (అమెరికా)
ఆస్పత్రి కిటికీల గుండా
నొప్పి మాయమౌతోంది -
చెర్రీలు వికసిస్తూ
అమితవదాస్‌ గుప్తా (ఇండియా)
ఆలయ శిథిలాలు -
గాలి మాత్రమే ఇంకా
పూలు సమర్పిస్తోంది.
రోహిణీ గుప్తా (ఇండియా)
కరెంటు కోత -
ఈ రోజు
పక్షుల కిలకిలలు విన్నాను
- ఉషా కిరణ్‌ (ఇండియా)
జైలులో కవి -
అక్కడున్నది అతని నీడే..
అతనున్నది ప్రజల మధ్య
అజిమ్‌ విన్కా (మెసడోనియా)
అనువాదం: పి. శ్రీనివాస్‌ గౌడ్‌
99494 29449
Updated Date - Jan 01 , 2024 | 03:41 AM
