హమాస్కు ఐరాస ఏజెన్సీ సిబ్బంది సహకారం
ABN, Publish Date - Jan 28 , 2024 | 01:27 AM
ఇజ్రాయెల్పై హమాస్ అక్టోబరు 7న జరిపిన దాడిలో ఐరాస అనుబంధ ఏజెన్సీ సభ్యులు ప్రత్యక్ష్యంగా పాల్గొన్నారు. దాడిలో పాల్గొన్న యునైటెడ్ నేషన్స్ రిలీఫ్ అండ్ వర్క్స్ ఏజెన్సీ ఫర్ పాలస్తీనా రిఫ్యూజీస్
జెరూసలేం, జనవరి 27: ఇజ్రాయెల్పై హమాస్ అక్టోబరు 7న జరిపిన దాడిలో ఐరాస అనుబంధ ఏజెన్సీ సభ్యులు ప్రత్యక్ష్యంగా పాల్గొన్నారు. దాడిలో పాల్గొన్న యునైటెడ్ నేషన్స్ రిలీఫ్ అండ్ వర్క్స్ ఏజెన్సీ ఫర్ పాలస్తీనా రిఫ్యూజీస్ ఇన్ ద నియర్ ఈస్ట్(యూఎన్ఆర్డబ్ల్యూఏ)కు చెందిన 12 మంది సిబ్బంది వివరాలను గత నెలలోనే ఇజ్రాయెల్ ప్రభుత్వం ఐరాసకు అందజేసింది. శుక్రవారం యూఎన్ఆర్డబ్ల్యూఏ ఈ విషయాన్ని నిర్ధారించింది. 12 మంది సిబ్బందిని తొలగించామని, వారిపై ప్రాసిక్యూషన్ చేపడతామని ప్రకటించింది. మరోవైపు, ఐరాస సెక్రటరీ జనరల్ గుటెర్రస్ దీనిపై సమగ్ర దర్యాప్తునకు ఆదేశించారు. హమా్సకు యూఎన్ఆర్డబ్ల్యూఏ సిబ్బంది సహకరించిన విషయం నిర్ధారణ అవ్వగానే.. పలు దేశాలు ఆ సంస్థకు నిధులను తాత్కాలికంగా నిలిపివేస్తామని ప్రకటించాయి. కాగా.. 1951 నుంచి పాలస్తీనాలో యూఎన్ఆర్డబ్ల్యూఏ సేవలను అందిస్తోంది.
Updated Date - Jan 28 , 2024 | 07:49 AM