Food and Health: వీటిలో క్యాలరీలు తక్కువ, పోషకాలు ఎక్కువ.. కచ్చితంగా వీటిని మీ ఆహారంలో భాగం చేసుకోండి..
ABN, Publish Date - Jan 07 , 2024 | 03:18 PM
ఆరోగ్యకర జీవన విధానంలో అతి ముఖ్యమైనది మనం ప్రతిరోజూ తినే ఆహారమే. ఒక వ్యక్తి బరువును నిర్ణయించడంలో వ్యాయామం కంటే ఆహారానిదే ఎక్కువ పాత్ర. మనం ఎలాంటి పోషకాలతో నిండిన ఆహారం తీసుకుంటున్నాం అనేది మన ఆరోగ్యాన్ని నిర్ణయిస్తుంది.
ఆరోగ్యకర జీవన విధానంలో అతి ముఖ్యమైనది మనం ప్రతిరోజూ తినే ఆహారమే (Food and Health). ఒక వ్యక్తి బరువును (Weight) నిర్ణయించడంలో వ్యాయామం కంటే ఆహారానిదే ఎక్కువ పాత్ర. మనం ఎలాంటి పోషకాలతో నిండిన ఆహారం (Nutritious Food) తీసుకుంటున్నాం అనేది మన ఆరోగ్యాన్ని నిర్ణయిస్తుంది. ఇటీవలి కాలంలో చాలా మందికి ఆరోగ్యకర ఆహారంపై శ్రద్ధ పెరిగింది. క్యాలరీలు లెక్క పెట్టుకుంటూ తినడం మొదలైంది. తక్కువ క్యాలరీలు కలిగిన ఆహారం తినడం అనేది చాలా కీలకం. ఈ నేపథ్యంలో తక్కువ క్యాలరీలు, ఎక్కువ పోషకాలు ఉన్న పదార్థాల గురించి తెలుసుకుందాం (Health Tips).
పుట్ట గొడుగులు (Mushrooms)
పుట్టగొడుగులు చాలా పోషకాలతో నిండిన ఆహారం. సెలీనియం, కాపర్, పొటాషియం వంటి మినరల్స్‌తో పాటు నియాసిన్, రిబోఫ్లావిన్, పాంతోతేనిక్ యాసిడ్, బయోటిన్ వంటి బి విటమిన్లు కూడా ఎక్కువగా ఉంటాయి. తక్కువ కేలరీలు మరియు అధిక ఫైబర్ కంటెంట్ కారణంగా పుట్ట గొడుగులు బరువు నియంత్రణకు బాగా ఉపయోగపడతాయి. యాంటీఆక్సిడెంట్లను పుష్కలంగా కలిగిన పుట్టగొడుగులు వివిధ ఆరోగ్య ప్రయోజనాలను అందిస్తాయి. పుట్ట గొడుగులను ఆమ్లెట్‌లు, సలాడ్‌లు లేదా సైడ్ డిష్‌లలో చేర్చుకోవచ్చు.
స్ట్రాబెర్రీలు (Strawberries)
తక్కువ క్యాలరీలను కలిగి ఉండే స్ట్రాబెర్రీల వల్ల ఎన్నో ఆరోగ్య ప్రయోజనాలున్నాయి. స్ట్రాబెర్రీలలో విటమిన్ సి, మాంగనీస్, ఫైబర్ వంటి అవసరమైన సూక్ష్మపోషకాలు ఉన్నాయి. స్ట్రాబెర్రీలలో ఉండే పాలీఫెనాల్ కంటెంట్ గుండె ఆరోగ్యాన్ని కాపాడుతుంది. రక్తంలో చక్కెర స్థాయిలను నియంత్రించడంలో సహాయపడుతుంది. అలాగే స్ట్రాబెర్రీలలోని యాంటీ-ఆక్సిడెంట్లు క్యాన్సర్‌కు వ్యతిరేకంగా పోరాడతాయి. స్మూతీస్, పెరుగు లేదా ఓట్‌మీల్‌లో స్ట్రాబెర్రీలను జోడించి తీసుకోవచ్చు.
బ్లూ బెర్రీస్ (Blueberries)
యాంటీ-ఆక్సిడెంట్లు, ఆంథోసైనిన్‌లతో నిండి ఉండే బ్లూ బెర్రీస్ గుండె ఆరోగ్యాన్ని కాపాడతాయి. యాంటీ ఇన్‌ఫ్లమేటరీగా పని చేస్తాయి. బ్లూ బెర్రీస్‌లోని విటమిన్ సి, ఫైబర్, మాంగనీస్ మొత్తంగా ఆరోగ్యానికి దోహదం చేస్తాయి. రక్తంలో చక్కెర నియంత్రణకు బాగా ఉపయోగపడతాయి. అలాగే బరువు నియంత్రణలో, ఆరోగ్యకరమైన చర్మానికి దోహదం చేస్తాయి.
దోసకాయ (Cucumber)
రోజూ కనీసం ఒక కప్పు ముక్కలు చేసిన దోసకాయలను తీసుకోవడం వల్ల ఎన్నో ఆరోగ్య ప్రయోజనాలున్నాయి. తక్కువ కేలరీలతో ఉండే దోసకాయ హైడ్రేటింగ్ ఆహారంగా, మధుమేహాన్ని నియంత్రించే, బరువు తగ్గించే స్నాక్‌గా ఉపయోగపడుతుంది. దోసకాయల్లోని విటమిన్-కె ఎముకల ఆరోగ్యాన్ని కాపాడుతుంది. పోటాషియం గుండె ఆరోగ్యాన్ని సంరక్షిస్తుంది.
మిరియాలు (Pepper)
మిరియాలు ఓ గొప్ప పోషక శక్తిగా నిలుస్తాయి. మిరియాలలో C, A విటమిన్లు, B6 వంటి సూక్ష్మపోషకాలు ఉన్నాయి. ఫైబర్‌ను అధికంగా కలిగి ఉండే ఎర్ర మిరియాలు జీర్ణ క్రియకు ఉపయోగపడతాయి. అలాగే పలు ఇన్ఫెక్షన్ల బారి నుంచి కాపాడుతాయి. మిరియాలను భోజనంలో చేర్చడం వల్ల వాటి విలువైన పోషకాలు శరీరంలోకి చేరుతాయి.
Updated Date - Jan 07 , 2024 | 03:18 PM
