Viral Video: వామ్మో.. నిమ్మకాయ ఇలా ఉందేంటి? దెయ్యం నిమ్మకాయ అంటూ నెటిజన్ల కామెంట్లు!
ABN, Publish Date - Jan 21 , 2024 | 09:28 AM
సాధారణంగా మనం తరచుగా చూసే నిమ్మకాయలు చిన్నగా, గుండ్రంగా ఉంటాయి. ఇటీవలి కాలంలో కొందరు 2, 3 కేజీల నిమ్మకాయలను కూడా పండిస్తున్నారు. అయితే బరువు పెరిగినా వాటి ఆకారం మాత్రం గుండ్రంగానే ఉంటుంది.
సాధారణంగా మనం తరచుగా చూసే నిమ్మకాయలు (Lemons) చిన్నగా, గుండ్రంగా ఉంటాయి. ఇటీవలి కాలంలో కొందరు 2, 3 కేజీల నిమ్మకాయలను కూడా పండిస్తున్నారు. అయితే బరువు పెరిగినా వాటి ఆకారం మాత్రం గుండ్రంగానే ఉంటుంది. ప్రస్తుతం వైరల్ అవుతున్న ఓ వీడియోలో (Viral Video) ఓ నిమ్మకాయ వెరైటీ ఆకృతిలో ఉండి పైనాపిల్‌ను తలపిస్తోంది (Devil Lemon). ఆ నిమ్మకాయకు సంబంధించిన వీడియో నెట్టింట హల్‌చల్ చేస్తోంది.
@maxiskitchen అనే ఇన్‌స్టాగ్రామ్ యూజర్ ఈ వీడియోను షేర్ చేశారు. వైరల్ అవుతున్న ఆ వీడియోలో మహిళ తమ నిమ్మచెట్టుకు కాసిన నిమ్మకాయను చూపిస్తోంది. అది వెరైటీ ఆకృతితో వింతగా ఉంది. దానిని ఆ మహిళ కట్ చేసి లోపలి భాగాన్ని చూపించింది. చాలా అరుదుగా నిమ్మకాయలు ఇలాంటి వెరైటీ ఆకృతిలో ఉంటాయని, ఆ ఫలాలు మొగ్గ దశలో ఉన్నప్పుడు కొన్ని పురుగులు తినడం వల్ల వాటి ఆకృతి మారిపోతుందని, ఇవి తినడానికి కచ్చితంగా సురక్షితమైనవేనని ఓ యూజర్ కామెంట్ చేశారు.
కాగా, ఈ వీడియో సోషల్ మీడియాలో వైరల్ అవుతోంది. ఈ వీడియోను ఇప్పటివరకు 2.5 కోట్ల కంటే ఎక్కువ మంది వీక్షించారు. 16 లక్షల కంటే ఎక్కువ మంది లైక్ చేశారు. ఈ వీడియోపై నెటిజన్లు తమదైన శైలిలో స్పందించారు. ``వామ్మో.. ఇది దెయ్యం నిమ్మకాయలా ఉంది``, ``దీనిని తినవచ్చా``, ``నాకు నిమ్మరసం చాలా ఇష్టం.. దీనిని చూస్తుంటే చాలా భయంగా ఉంది`` అంటూ నెటిజన్లు కామెంట్లు చేశారు.
Updated Date - Jan 21 , 2024 | 09:28 AM
