కారులో మంటలు: ఇద్దరు సురక్షితం
ABN, Publish Date - Jan 13 , 2024 | 12:33 AM
జాతీయ రహదారిపై ప్రయాణిస్తున్న కారులో అకస్మాత్తుగా మంటలు వ్యాపించి కారు పూర్తిగా దగ్ధమైంది. ఈ ఘటన నల్లగొండ జిల్లా చిట్యాల మండలం వెలిమినేడు శివారులో శుక్రవారం రాత్రి చోటుచేసుకోగా ఈ ప్రమాదం నుంచి ఇద్దరు సురక్షితంగా బయటపడ్డారు.
చిట్యాల రూరల్‌, జనవరి 12 : జాతీయ రహదారిపై ప్రయాణిస్తున్న కారులో అకస్మాత్తుగా మంటలు వ్యాపించి కారు పూర్తిగా దగ్ధమైంది. ఈ ఘటన నల్లగొండ జిల్లా చిట్యాల మండలం వెలిమినేడు శివారులో శుక్రవారం రాత్రి చోటుచేసుకోగా ఈ ప్రమాదం నుంచి ఇద్దరు సురక్షితంగా బయటపడ్డారు. ఎస్‌ఐ ఇరుగు రవి తెలిపిన వివరాల ప్రకారం హైదరాబాద్‌లో సాఫ్ట్‌వేర్‌ ఇంజనీర్‌గా చేస్తున్న నల్లబెల్లి మోహనరామ్‌ అతడి స్నేహితుడు శివలు సంక్రాంతి పండుగకు వారి స్వస్థలం ఆంధ్రప్రదేశ రాష్ట్రంలోని గుంటూరుకు కారులో బయలుదేరారు. మార్గమధ్యలో వెలిమినేడు శివారులో శ్రీఆంజనేయస్వామి దేవాలయం సమీపంలోకి రాగాఆనే కారులోంచి అకస్మాత్తుగా మంటలు చెలరేగాయి. దీంతో కారులో ఉన్న మోహనరామ్‌, శివలు హుటాహుటిన కారు దిగిపోయారు. ఇంతలో కారులో మంటలు చెలరేగి కారు పూర్తిగా దగ్ధమైంది. కారులో షార్ట్‌సర్క్యూట్‌తో మంటలు వ్యాపించినట్లుగా భావిస్తున్నారు. ఘటనపై కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు.
Updated Date - Jan 13 , 2024 | 12:34 AM
