ఉపాధ్యాయుడు నిరంతర అభ్యాసకుడు
ABN, Publish Date - Jan 07 , 2024 | 12:26 AM
ఉపాధ్యాయుడు నిరంతర అభ్యాసకుడని కమ్యూనిటీ మొబిలైజింగ్‌ జిల్లా ఆఫీసర్‌ పెసరు లింగారెడ్డి అన్నారు.
జిల్లా కమ్యూనిటీ మొబిలైజింగ్‌ ఆఫీసర్‌ లింగారెడ్డి
తుర్కపల్లి, జనవరి 6: ఉపాధ్యాయుడు నిరంతర అభ్యాసకుడని కమ్యూనిటీ మొబిలైజింగ్‌ జిల్లా ఆఫీసర్‌ పెసరు లింగారెడ్డి అన్నారు. మండల కేంద్రంలోని ఉన్నత పాఠశాలలో శనివారం నిర్వహింహించిన ప్రాథమిక పాఠశాలల సముదాయ కాంప్లెక్స్‌ సమావేశంలో ఆయన మాట్లాడారు. ఉపాధ్యాయులు విద్యార్థులకు ఉత్సాహంగా బోధన చేయాలని, ఎఫ్‌ఎల్‌ఎన అలైనమెంట్‌ ప్రకారం బోధన జరగాలని, విద్యార్థుల ప్రగతిని ప్రతీ నెలా పరిశీలించాలని ఉపాధ్యాయులకు సూచించారు. ప్రతీ నెల పాఠశాలల్లో తల్లిదండ్రుల సమావేశాన్ని నిర్వహించాలని, సీడబ్ల్యూఎ్‌సఎన(ప్రత్యేక అవసరాలు గల పిల్లల)సర్వే సక్రమంగా నిర్వహించాలని కోరారు. ఈ సందర్భంగా ఉన్నత పాఠశాలలో 10వ తరగతి ప్రత్యేక తరగతులను సందర్శించి సంతృప్తి వ్యక్తం చేశారు. కార్యక్రమంలో ప్రధానోపాధ్యాయులు ఆర్‌.శ్రీనివాస్‌ పాల్గొన్నారు.
Updated Date - Jan 07 , 2024 | 12:26 AM
