నెమ్మికల్‌ చేరిన వరంగల్‌ జడ్పీ చైర్‌పర్సన పాదయాత్ర
ABN, Publish Date - Jan 27 , 2024 | 11:25 PM
జయశంకర్‌ భూపాలపల్లి జిల్లా కేంద్రం నుంచి వరంగల్‌ జడ్పీ చైర్‌పర్సన గండ్ర జ్యోతి తిరుపతి క్షేత్రం వరకు చేపట్టిన పాదయాత్ర శనివారం మండలంలోని నెమ్మికల్‌కు చేరుకుంది.
ఆత్మకూర్‌(ఎస్‌), జనవరి 27 : జయశంకర్‌ భూపాలపల్లి జిల్లా కేంద్రం నుంచి వరంగల్‌ జడ్పీ చైర్‌పర్సన గండ్ర జ్యోతి తిరుపతి క్షేత్రం వరకు చేపట్టిన పాదయాత్ర శనివారం మండలంలోని నెమ్మికల్‌కు చేరుకుంది. ఈ సందర్భంగా ఆమె స్థానిక దండు మైసమ్మ అమ్మవారిని దర్శించుకుని ప్రత్యేకపూజలు చేశారు. అనంతరం ఆమె మాట్లాడుతూ భూపాలపల్లిలో శ్రీ వేంకటేశ్వరస్వామి దేవాలయం ఒక ఏడాదిలోనే అత్యంత అద్భుతంగా నిర్మించామని, అందువల్ల తాను మొక్కుకున్నట్లుగా భూపాలపల్లి నుంచి తిరుపతి వరకు పాదయాత్ర చేస్తున్నానని ఆమె తెలిపారు. పాదయాత్ర ఎనిమిదోవ రోజు ఆత్మకూర్‌(ఎస్‌) మండలంలోని దండు మైసమ్మ అమ్మవారిని దర్శించుకోవడం చాలా సంతోషంగా ఉందన్నారు. పాదయాత్ర తిరుమల వేంకటేశ్వర స్వామి వారిని చేరే వరకు దిగ్విజయంగా కొనసాగుతుందన్నారు. తనతో పాటుగా 10 మంది భక్తులు పాదయాత్ర చేస్తున్నట్లు ఆమె తెలిపారు. పాదయాత్రలో భూపాలపల్లి మాజీ ఎమ్మెల్యే గండ్రా వెంకటరమణారెడ్డి తదితరులు పాల్గొన్నారు.
Updated Date - Jan 27 , 2024 | 11:25 PM
