పెండింగ్‌ పనులు త్వరగా పూర్తి చేయాలి
ABN, Publish Date - Jan 20 , 2024 | 12:10 AM
ప్రజా సమస్యలను వెంటనే గుర్తించి పరిష్కరించాని ఎమ్మెల్యే మందుల సామేల్‌ అన్నారు.
తిరుమలగిరి / తిరుమలగిరి రూరల్‌, జనవరి 19 : ప్రజా సమస్యలను వెంటనే గుర్తించి పరిష్కరించాని ఎమ్మెల్యే మందుల సామేల్‌ అన్నారు. శుక్రవారం తిరుమలగిరిలోని ఆయన నివాసంలో పంచాయతీరాజ్‌, ఇరిగేషన అధికారులతో సమీక్ష సమావేశం నిర్వహించి మాట్లాడుతూ నియోజకవర్గంలో ప్రజలకు ముఖ్యమైన అవసరాలను గుర్తించి వాటిని పరిష్కరించే దిశగా చర్యలు చేపట్టాలని ఆదేశించారు. ముఖ్యమైన సమస్యలుంటే తన దృష్టికి తీసుకువస్తే జిల్లా, రాష్ట్రస్థాయి అధికారుల తీసుకెళ్లి సమస్యలను పరిష్కరానికి కృషి చేస్తానన్నారు.ప్రజాసమస్యలను గుర్తించడంలో అధికారులు విఫలం కావద్దని, గ్రామాలకు వెళ్లినప్పుడు స్థానిక నాయకులు గ్రామస్థాయి అధికారులతో సమన్వయం చేసుకోవాలని కోరారు. ఎస్సారెస్పీ కాల్వ ద్వారా నీటి విడుదలను సక్రమంగా జరిగేలా చూడాలన్నారు. కార్యక్రమంలో ఐబీ ఈఈ విజయ్‌కుమార్‌, డీ సత్యనారాయణ, పీఆర్‌డీ కొండయ్య, ఏఈ రవికుమార్‌, వివిధ శాఖల అధికారులు పాల్గొన్నారు.
ఆరు గ్యారెంటీలను అమలు చేస్తాం
తుంగతుర్తి : కాంగ్రెస్‌ ప్రభుత్వం ఎన్నికల్లో ఇచ్చిన హామీలను అమలుచేస్తామని ఎమ్మెల్యే మందుల సామేల్‌ అన్నారు. శుక్రవారం మండల కేంద్రంలోని తహసీల్దార్‌ కార్యాలయంలో ఆయన కల్యాణలక్ష్మి, షాదీముబారక్‌ చెక్కుల పంపిణీ కార్యక్రమంలో ఆయన మాట్లాడారు. త్వరలో వంద పడకల ఆస్పత్రి నిర్మాణ పనులు చేపడతామన్నారు. త్వరలో 7 వేలకు పైగా ఉపాధ్యాయ పోస్టుల భర్తీ చేయనున్నట్లు తెలిపారు. కార్యక్రమంలో ఎంపీపీ గుండగాని కవితరాములుగౌడ్‌, ఉమ్మడి జిల్లా డీసీసీబీ డైరెక్టర్‌ గుడిపాటి సైదులు, తహసీల్దార్‌ యాదగిరిరెడ్డి, ఎంపీడీవో బీంసింగ్‌నాయక్‌ పాల్గొన్నారు.
ఎమ్మెల్యేను సన్మానించిన పీఏసీఎస్‌ చైర్మన
నూతనకల్‌ : నూతనంగా పీఏసీఎస్‌ చైర్మనగా బాధ్యతలు చేపట్టిన నాగం జయసుధాసుధాకర్‌రెడ్డి శుక్రవారం హైదరాబాద్‌లో ఎమ్మెల్యే సామేల్‌ నివాసంలో ఆయన్ను మర్యాదపూర్వకంగా కలసి శాలువాతో సన్మానించారు. వారి వెంట నాయకులు యాస జనతారెడ్డి, కళ్లెం కృష్ణారెడ్డి తదితరులు ఉన్నారు.
Updated Date - Jan 20 , 2024 | 12:11 AM
