AP News: టీడీపీ ఆత్మీయ సమావేశానికి బీసీలంతా తరలిరావాలి: డాక్టర్ దాసరిశ్యామ్ చంద్రశేషు
ABN, First Publish Date - 2022-11-29T16:55:44+05:30
టీడీపీ (TDP) నిర్వహించే బీసీల ఆత్మీయ సమావేశానికి బీసీలంతా తరలి రావాలని ఆ పార్టీ రాష్ట్ర కార్యదర్శి డాక్టర్ దాసరి శ్యామ్ చంద్ర శేషు విజ్ఞప్తి...
జంగారెడ్డిగూడెం, ఏలూరు జిల్లా: టీడీపీ (TDP) నిర్వహించే బీసీల ఆత్మీయ సమావేశానికి బీసీలంతా తరలి రావాలని ఆ పార్టీ రాష్ట్ర కార్యదర్శి డాక్టర్ దాసరి శ్యామ్ చంద్ర శేషు విజ్ఞప్తి చేశారు. డిసెంబర్ 1వ తేదీ జంగారెడ్డిగూడెం శివారు కరాటం వై జంక్షన్ వద్ద ఉన్న దండమూడి వశిష్ట ఏసీ కళ్యాణ మండపంలో ఉదయం 9 గంటలకు నిర్వహించే ఈ సమావేశానికి టీడీపీ అధినేత, మాజీ సీఎం నారా చంద్రబాబు నాయుడు (Chandra babu Naidu) ముఖ్య అతిథిగా హాజరవుతున్నారని పేర్కొన్నారు. ఆయనతో పాటు పార్టీ రాష్ట్ర అధ్యక్షుడు కింజరాపు అచ్చన్నాయుడు (Achennaidu), బీసీ ఫెడరేషన్స్ రాష్ట్ర అధ్యక్షుడు కొల్లు రవీంద్ర(Kollu Ravindra), జిల్లా అధ్యక్షుడు గన్ని ఆంజనేయులు పాల్గొంటారని తెలిపారు. రానున్న ఎన్నికల్లో బీసీలకు జరగబోయే మేలు, డిమాండ్లు తదితర విషయాలపై నేతలు సమావేశంలో చర్చిస్తారని చెప్పారు. బీసీలు భారీ సంఖ్యలో హాజరై సమావేశాన్ని జయప్రదం చేయాలని చంద్రశేషు కోరారు. సమావేశంలో బీసీ సెల్ రాష్ట్ర కార్యదర్శి చిట్టిబోయిన రామలింగేశ్వరరావు, పట్టణ ప్రధాన కార్యదర్శి తూటికుంట రాము, మండల బీసీసెల్ అధ్యక్షుడు బూసా సత్యనారాయణ రెడ్డి, పట్టణ బీసీసెల్ అధ్యక్షుడు పకనాటి అంజి, తెలుగుయువత అధ్యక్షుడు కోనేటి చంటి, అధికార ప్రతినిధి గెడ సుబ్రహ్మణ్యం, సుబ్బారావు తదితరులు పాల్గొన్నారు.
Updated Date - 2022-11-29T17:02:28+05:30 IST