AP News: ట్రాక్టర్‌పై తెగిపడ్డ విద్యుత్ వైర్లు... ఆరుగురు సజీవదహనం
ABN, First Publish Date - 2022-11-02T14:59:00+05:30
జిల్లాలోని బొమ్మనహాల్ మండలం దర్గాహోన్నూరు ఘోర ప్రమాదం చోటు చేసుకుంది.
అనంతపురం: జిల్లాలోని బొమ్మనహాల్ మండలం దర్గాహోన్నూరు ఘోర ప్రమాదం చోటు చేసుకుంది. ట్రాక్టర్‌పై విద్యుత్ తీగలు తెగిపడటంతో ఆరు మంది అక్కడికక్కడే ప్రాణాలు కోల్పోయారు. మరో ముగ్గురు తీవ్రంగా గాయపడ్డారు. దర్గాహోన్నూరు గ్రామానికి చెందిన కూలీలు పొలంలో మొక్కజొన్న కంకుల కోతకు వెళుతుండగా విద్యుత్ మెయిన్ వైర్లు ఒక్కసారిగా తెగిపడ్డాయి. దీంతో ఆరుగురు మహిళా కూలీలు అక్కడికక్కడే సజీవ దహనం అయ్యారు. సంఘటనా స్థలిలో కుటుంబ సభ్యులు రోదనలు మిన్నంటాయి. వెంటనే సమీప గ్రామస్తులు అక్కడకు చేరుకుని తీవ్రంగా గాయపడిన మరో ముగ్గురిని ప్రభుత్వాస్పత్రికి తరలించారు. ఒకే గ్రామానికి చెందిన ఆరుగురు ప్రాణాలు కోల్పోవడంతో దర్గాహోన్నూరులో విషాదఛాయలు అలముకున్నాయి.
కాగా... దర్గాహోన్నూరు సమీపంలో విద్యుత్ తీగలు వేలాడుతున్నప్పటికీ విద్యుత్ అధికారులు చూసీ చూడనట్లుగా వ్యవహరించడం వల్లే ఈ ప్రమాదం జరిగిందని.. ఆరుగురు మహిళా కూలీల మరణానికి విద్యుత్ అధికారుల నిర్లక్ష్యమే కారణమని బాధితులు ఆరోపిస్తున్నారు.
Updated Date - 2022-11-02T15:17:41+05:30 IST