YCP: ఎంపీ విజయసాయిరెడ్డికి రాజ్యసభ చైర్మన్ షాక్
ABN, First Publish Date - 2022-12-07T19:28:52+05:30
వైసీపీ (YCP) రాజ్యసభ ఎంపీ విజయసాయిరెడ్డి (Vijayasai Reddy)కి రాజ్యసభ (Rajya Sabha) చైర్మన్ షాక్ ఇచ్చారు.
న్యూఢిల్లీ: వైసీపీ (YCP) రాజ్యసభ ఎంపీ విజయసాయిరెడ్డి (Vijayasai Reddy)కి రాజ్యసభ (Rajya Sabha) చైర్మన్ షాక్ ఇచ్చారు. ప్యానల్ వైస్ చైర్మన్‌గా విజయసాయిరెడ్డి పేరు తొలగించినట్లు తెలిపారు. ఈ నెల 5న విజయసాయిరెడ్డికి పంపిన లేఖలో ప్యానల్ వైస్ చైర్మన్‌గా నియమించినట్లు రాజ్యసభ ఆఫీస్‌ సమాచారం అందించింది. ఇవాళ రాజ్యసభలో ప్యానల్ వైస్ చైర్మన్ల పేర్లు చదివి చైర్మన్ వినిపించారు. విజయసాయి పేరును జాబితా నుంచి తొలగించినట్లు రాజ్యసభ చైర్మన్ పేర్కొన్నారు. మిగతా ఏడుగురి ప్యానల్ వైస్ చైర్మన్ల పేర్లను మాత్రమే చైర్మన్ చదివారు. రాజకీయ నేతలపై విజయసాయి అసభ్యకర ట్వీట్లు చేస్తున్నారంటూ ఇటీవల రాజ్యసభ చైర్మన్‌కు ఎంపీ రఘురామ ఫిర్యాదు చేశారు. విజయసాయిని ప్యానల్ వైస్‌చైర్మన్‌ నుంచి తొలగించాలని ఎంపీ రఘురామకృష్ణరాజు డిమాండ్ చేశారు.
Updated Date - 2022-12-07T19:32:57+05:30 IST