Nadendla Manohar: సూపర్‌స్టార్ కృష్ణ కన్నుమూయడం బాధాకరం
ABN, First Publish Date - 2022-11-15T11:00:35+05:30
తెలుగు సినీ రంగ చరిత్రలో తనకంటూ ఓ అధ్యాయాన్ని లిఖించుకున్న సూపర్ స్టార్ కృష్ణ కన్నుమూయడం బాధాకరమని జనసేన నేత నాదెండ్ల మనోహర్ అన్నారు.
అమరావతి: తెలుగు సినీ రంగ చరిత్రలో తనకంటూ ఓ అధ్యాయాన్ని లిఖించుకున్న సూపర్ స్టార్ కృష్ణ (Super star krishna) కన్నుమూయడం బాధాకరమని జనసేన నేత నాదెండ్ల మనోహర్ (Nadendla Manohar) అన్నారు. ఆయన ఆత్మకు శాంతి చేకూరాలని భగవంతుణ్ణి ప్రార్థిస్తున్నానన్నారు. తెనాలి మండలం బుర్రిపాలెం నుంచి మద్రాస్ వెళ్ళి సినీ స్టార్‌గా ఎదిగిన మంచి మనిషి ఆయన అని అన్నారు. తన స్వగ్రామంపై ఎంతో ప్రేమాభిమానాలు చూపేవారని... బుర్రిపాలెంలో అభివృద్ది కార్యక్రమాలకు కృష్ణ అండగా నిలిచారని తెలిపారు. ప్రత్యక్ష రాజకీయాలు, ప్రజా జీవితంలో కొద్ది కాలమే ఉన్నా పార్లమెంట్ సభ్యులుగా తన ముద్రను వేశారన్నారు. కృష్ణ కుమారుడు మహేష్ బాబు, కుటుంబ సభ్యులకు నాదెండ్ల మనోహర్(Janasena Leader) తన ప్రగాఢ సానుభూతిని తెలియజేశారు.
Updated Date - 2022-11-15T11:00:37+05:30 IST