AP News: మంత్రి బొత్స రివర్స్ సమాధానం..
ABN, First Publish Date - 2022-12-17T16:27:54+05:30
ఉపాధ్యాయుల బదిలీలపై మంత్రి బొత్స సత్యానారాయణ (Botsa Satyanarayana) వ్యాఖ్యలు చర్చకు దారితీశాయి. నిన్న ఉపాధ్యాయ సంఘాలతో జరిగిన సమావేశంలో బదిలీలపై (Transfers) మంత్రి రివర్స్‌లో సమాధానం ఇచ్చారు.
విజయవాడ: ఉపాధ్యాయుల బదిలీలపై మంత్రి బొత్స సత్యానారాయణ (Botsa Satyanarayana) వ్యాఖ్యలు చర్చకు దారితీశాయి. నిన్న ఉపాధ్యాయ సంఘాలతో జరిగిన సమావేశంలో బదిలీలపై (Transfers) మంత్రి రివర్స్‌లో సమాధానం ఇచ్చారు. సిఫార్సులు చేసినవారిలో మీరు కూడా ఉన్నారంటూ మీడియా ప్రతినిధులను ఎదురు ప్రశ్నించారు. తాము ఎప్పుడు సిఫారసు చేశామనడంతో మంత్రి నాలుక కరచుకున్నారు. ‘మీరంటే మీరు కాదు మీ మిత్రులే అడిగారంటూ’ సమాధానం దాటవేశారు. కేవలం 140 మందిని కోరుకున్న చోటుకు బదిలీ చేస్తే.. 14వేల మందిని బదిలీ చేసినట్లు చెబుతున్నారని అన్నారు.
బదిలీలన్ని అవకతవకలు లేకుండా సక్రమంగా జరుగుతాయని, ఎలాంటి ప్రలోభాలు, తప్పులు గానీ జరగవని మంత్రి బొత్స స్పష్టం చేశారు. అలాంటివి ఏమైనా జరిగితే వెంటనే తెలియపరిస్తే సరిదిద్దుతామని ఉపాధ్యాయ సంఘాలకు చెప్పామన్నారు. ఎలాంటి అవకతవకలకు పాల్పడిన అధికారులపై తగిన చర్యలు తీసుకుంటామని చెప్పానని.. అందుకు ఉపాధ్యాయ సంఘాలు ఒప్పుకున్నాయని మంత్రి బొత్స తెలిపారు.
Updated Date - 2022-12-17T16:27:57+05:30 IST