Kambampati: సాహసానికే ఊపిరి ఘట్టమనేని కృష్ణ
ABN, First Publish Date - 2022-11-15T11:21:54+05:30
సూపర్ స్టార్ కృష్ణ నమ్మిన ఆదర్శాలకు జీవితాంతం కట్టుబడ్డ హీరో అని తెలుగుదేశం పార్టీ జాతీయ ప్రధాన కార్యదర్శి కంభంపాటి రామమోహన్ రావు అన్నారు.
అమరావతి: సూపర్ స్టార్ కృష్ణ (Super star krishna) నమ్మిన ఆదర్శాలకు జీవితాంతం కట్టుబడ్డ హీరో అని తెలుగుదేశం పార్టీ జాతీయ ప్రధాన కార్యదర్శి కంభంపాటి రామమోహన్ రావు (Kambampati Rammohan Rao) అన్నారు. సాహసానికే ఊపిరి ఘట్టమనేని కృష్ణ అని తెలిపారు. సూపర్ స్టార్ ఘట్టమనేని కృష్ణ మృతి దిగ్భ్రాంతికి గురిచేసిందన్నారు. సినీ పరిశ్రమలో ఆయనలేని లోటు పూడ్చలేనిదని అన్నారు. నటనలో, వ్యక్తిత్వంలో ఆయనకు ఆయనే సాటి అని కొనియాడారు. వందలాది సినిమాలతో లక్షలాది సినీ కార్మికులకు ఉపాధి కల్పించిన ధన్యజీవి అని చెప్పుకొచ్చారు. నటుడిగా, సినీ నిర్మాతగా, స్టూడియో అధినేతగా కృష్ణ అధిరోహించని ‘‘సింహాసనం’’ లేదన్నారు. ఆయన కుటుంబ సభ్యులకు, కృష్ణ అభిమానులకు కంభంపాటి రామమోహన్ రావు (Telugu Desam Party National General Secretary) ప్రగాఢ సంతాపం తెలియజేశారు.
Updated Date - 2022-11-15T11:21:55+05:30 IST