మానవత్వంలేని మనిషి జగన్: బండారు
ABN, First Publish Date - 2022-12-31T19:17:24+05:30
సీఎం జగన్ (CM Jagan) మానవత్వం లేని మనిషి అని టీడీపీ నేత బండారు సత్యనారాయణమూర్తి (Bandaru Satyanarayanamurthy) విమర్శించారు.
విశాఖపట్నం: సీఎం జగన్ (CM Jagan) మానవత్వం లేని మనిషి అని టీడీపీ నేత బండారు సత్యనారాయణమూర్తి (Bandaru Satyanarayanamurthy) విమర్శించారు. శనివారం పార్టీ కార్యాలయంలో ఆయన మీడియాతో మాట్లాడుతూ ప్రమాదవశాత్తూ ఎవరైనా ప్రాణాలు కోల్పోతే సాటి మనిషిగా సానుభూతి చూపుతారన్నారు. కానీ నెల్లూరు జిల్లా కందుకూరులో జరిగిన దుర్ఘటనపై జగన్ నుంచి సానుభూతి లేదన్నారు. ఘటనపై ప్రధాని నరేంద్రమోదీ (Narendra Modi) తీవ్ర దిగ్ర్భాంతి వ్యక్తంచేసిన తరువాత జగన్ స్పందించారని తప్పుబట్టారు. మృతుల కుటుంబాలకు అండగా ఉంటామని చెప్పడం ద్వారా మాజీ సీఎం చంద్రబాబు మానవత్వం చాటుకున్నారని కొనియాడారు. రాయలసీమ (Rayalaseema)లో జగన్‌రెడ్డి కుటుంబం ఎంతోమందిని పొట్టనబెట్టుకుందని బండారు ఆరోపించారు. ఇక విపక్ష నేతగా జగన్ చేపట్టిన పాదయాత్రతోపాటు ఆయన నిర్వహించిన పది సభల్లో ఏడుగురు చనిపోగా, 60 మంది వరకు గాయపడ్డారని తెలిపారు. తండ్రి ప్రాణాలు కోల్పోతే పుట్టెడు దుఃఖంలో ఉండాల్సిన జగన్, పదవి కోసం ఆయన మృతదేహం పక్కనే రాజకీయాలు చేశారని ఆరోపించారు. సీఎం చరిత్ర మొత్తం హత్యలతో నిండిపోయిందని సత్యనారాయణమూర్తి దుయ్యబట్టారు.
Updated Date - 2022-12-31T19:17:25+05:30 IST