Munugodu by poll: మర్రిగూడలో బీజేపీ శ్రేణులపై లాఠీచార్జ్
ABN, First Publish Date - 2022-11-03T10:09:20+05:30
మునుగోడు ఉప ఎన్నిక పోలింగ్ కొనసాగుతోంది. పలు చోట్ల టీఆర్ఎస్, బీజేపీ కార్యకర్తల మధ్య ఘర్షణలు చోటు చేసుకున్నాయి.
నల్లగొండ: మునుగోడు ఉప ఎన్నిక (Munugodu by poll)పోలింగ్ కొనసాగుతోంది. పలు చోట్ల టీఆర్ఎస్(TRS), బీజేపీ (BJP) కార్యకర్తల మధ్య ఘర్షణలు చోటు చేసుకున్నాయి. ఈ క్రమంలో మర్రిగూడలో సిద్దిపేటకు చెందిన టీఆర్ఎస్ పార్టీ వ్యక్తులు ప్రచారం చేస్తున్నారని , నాన్‌లోకల్ వారిని ఎందుకు ఆలో చేస్తున్నారంటూ మర్రిగూడ పోలింగ్ బూత్ బయట బీజేపీ కార్యకర్తలు ఆందోళనకు దిగారు. తక్షణమే బయటి వ్యక్తులను పంపించివేయాలని డిమాండ్ చేశారు. ఈ క్రమంలో టీఆర్ఎస్, బీజేపీ శ్రేణుల మధ్య వాగ్వాదం చోటు చేసుకుంది. పోలీసులు టీఆర్ఎస్ పార్టీ వాళ్లకు తొత్తులుగా వ్యవహరిస్తున్నారంటూ బీజేపీ నాయకులు నిరసన వ్యక్తం చేశారు. ఈ క్రమంలో బీజేపీ శ్రేణులపై పోలీసులు లాఠీచార్జ్ చేశారు. ఇద్దరు స్వల్పంగా గాయపడ్డారు.
Updated Date - 2022-11-03T10:09:22+05:30 IST