Silicon Andhra Universityలో కంప్యూటర్ సైన్స్ తరగతులకు అనుమతి
ABN, First Publish Date - 2022-11-21T08:19:58+05:30
కంప్యూటర్ సైన్స్‌లో MS తరగతులు ప్రారంభించేందుకు సిలికానాంధ్ర విశ్వవిద్యాలయానికి WSCUC (WASC Senior College & University Commission) నుంచి అనుమతి లభించింది. 2023 జనవరి నుంచి విద్యార్థులు ఈ కోర్సులో
ఎన్నారై డెస్క్: కంప్యూటర్ సైన్స్‌లో MS తరగతులు ప్రారంభించేందుకు సిలికానాంధ్ర విశ్వవిద్యాలయానికి WSCUC (WASC Senior College & University Commission) నుంచి అనుమతి లభించింది. 2023 జనవరి నుంచి విద్యార్థులు ఈ కోర్సులో అడ్మిషన్ తీసుకునేందుకు వీలుగా విశ్వవిద్యాలయ యంత్రాంగం ఏర్పాట్లు చేస్తోంది. ఈ నేపథ్యంలో విశ్వవిద్యాలయ సొంత భవనంలో ప్రత్యక్ష విద్యా విధానంలో జరుగబోయే తొలి కోర్స్ ఇదే కావడం గమనార్హం. ఈ కోర్స్ ప్రారంభించడం ద్వారా విశ్వవిద్యాలయం తన లక్ష్యాలను, ఆశయాలను సాధించే దిశలో మరో అడుగు ముందుకు వేస్తోంది. ఈ కోర్సులో చేరే విద్యార్థులు, అత్యాధునిక సాంకేతిక విధానాలైన ఆర్టిఫిషల్ ఇంటెలిజెన్స్, మెషీన్ లెర్నింగ్, మెషీన్ ట్రాన్సలేషన్, నాచురల్ లాంగ్వేజ్ ప్రాసెసింగ్ వంటి విషయాలను క్షుణ్ణంగా అధ్యయనం చేయవచ్చు. తద్వారా విద్యార్థులు, వారి ఆచార్యులు కంప్యూటేషనల్ లింగ్విస్టిక్స్ రంగంలో సరికొత్త ఉపకరణాలను, పద్ధతులను రూపొందించడానికి పెద్ద మొత్తంలో అవకాశాలు లభించనున్నాయి.
ఈ నేపథ్యంలో విశ్వవిద్యాలయ మిత్రులు, శ్రేయోభిలాషులందరికీ యూనివర్సిటీ ధన్యవాదాలు తెలియజేసింది. ‘మీ అందరి సహాయ సహకారాలతో ఇలాంటి మరెన్నో విజయాలను సాధించడానికి విశ్వవిద్యాలయ యంత్రాంగం నిరంతరం కృషి చేస్తుంది’ అని పేర్కొంది. సిలికానాంధ్ర విశ్వవిద్యాలయం కాలిఫోర్నియాలోని మిల్పిటాస్ నగరంలో 2017లో లాభాపేక్ష రహిత సంస్థగా ప్రారంభమైంది. అతి కొద్ది కాలంలోనే WASC గుర్తింపు పొందింది. మొట్టమొదట అంతర్జాల మాధ్యమం ద్వారా భారతీయ కళలు (నృత్యం, సంగీతం) భాషలలో(తెలుగు, సంస్కృతం) సర్టిఫికెట్, డిప్లమో మరియు పోస్ట్ గ్రాడ్యుయేట్ డిగ్రీలను అందించింది.
Updated Date - 2022-11-21T08:20:01+05:30 IST