TANA: సిద్దిపేటలో 'తానా' చైతన్య స్రవంతి.. రూ. 5లక్షల పరికరాల పంపిణీ
ABN, First Publish Date - 2022-12-03T12:17:49+05:30
తెలంగాణలోని సిద్దిపేటలో శుక్రవారం 'తానా' చైతన్య స్రవంతి కార్యక్రమాన్ని నిర్వహించారు.
సిద్దిపేట: తెలంగాణలోని సిద్దిపేటలో శుక్రవారం 'తానా' చైతన్య స్రవంతి కార్యక్రమాన్ని నిర్వహించారు. ఈ కార్యక్రమానికి ఆరోగ్యశాఖ మంత్రి తన్నీరు హరీష్ రావు ముఖ్యఅతిథిగా విచ్చేశారు. ఈ కార్యక్రమంలో 5 లక్షల రూపాయలు విలువైన పరికరాలను లబ్ధిదారులకు ఉచితంగా అందజేశారు. దీనిలో భాగంగా 15 మంది బాలికలకు సైకిళ్లు పంపిణీ చేశారు. అలాగే ఇద్దరు ఇంజనీరింగ్ విద్యార్థులకు ల్యాప్‌ట్యాప్‌లు(Laptop) బహుకరించారు. ఆరుగురు వికలాంగులకు మూడు చక్రాల బ్యాటరీ సైకిళ్లు అందించారు. ఈ కార్యక్రమంలో తానా తదుపరి అధ్యక్షుడు నిరంజన్ శృంగవరపు, తానా ఫౌండేషన్ ట్రస్టీలు రవి, సామినేని విశ్వనాధ్ తదితరులు పాల్గొన్నారు. తానా ఆధ్వర్యంలో చేపడుతున్న సామాజిక సేవా కార్యక్రమాలను మంత్రి హరీష్ రావు ఈ సందర్భంగా ప్రశంసించారు.
Updated Date - 2022-12-03T12:17:51+05:30 IST