Viral Video: శీతాకాలంలో ఇలాంటి స్నానం ఎప్పుడైనా చేశారా.. లేదంటే ఈ వీడియో చూడండి..
ABN, First Publish Date - 2022-12-22T16:35:27+05:30
స్నానం చేయాలంటేనే కొందరు బద్ధకిస్తుంటారు. కొన్నిసార్లు తప్పనిసరి పరిస్థితుల్లో బలవంతం మీద తూతూమంత్రంగా కానిస్తుంటారు. ఇక శీతాకాలంలో స్నానం చేయాలంటే వామ్మో! మా వల్ల కాదు అని వాయిదా వేస్తుంటారు. ఇప్పుడు..
స్నానం చేయాలంటేనే కొందరు బద్ధకిస్తుంటారు. కొన్నిసార్లు తప్పనిసరి పరిస్థితుల్లో బలవంతం మీద తూతూమంత్రంగా కానిస్తుంటారు. ఇక శీతాకాలంలో స్నానం చేయాలంటే వామ్మో! మా వల్ల కాదు అని వాయిదా వేస్తుంటారు. ఇప్పుడు మనం చెప్పుకోబోయే వ్యక్తి స్నానం చేయడాన్ని చూస్తే.. అరే! ఇదేదో బాగుందే అని మీరే అంటారు. ఈ వీడియో (bath videos) చూసిన నెటిజన్లు.. శీతాకాలంలోనూ ఇలాంటి స్నానం ఈజీగా చేసేయొచ్చు అని కామెంట్లు పెడుతున్నారు.
సోషల్ మీడియాలో ఓ వీడియో తెగ వైరల్ (Viral videos) అవుతోంది. ఉదయాన్నే ఓ వ్యక్తి స్నానం చేయడానికి సిద్ధమవుతాడు. నీటి తొట్టి వద్ద నిలబడి బకెట్‌తో నీళ్లు తీసుకుని తల మీద పోసుకుంటాడు. ఇందులో ఏముంది వింత అని అంటారు కదా... నీళ్లు పోసుకున్నట్లే కనిపిస్తుంది.. కానీ బకెట్‌లో ఎలాంటి నీళ్లూ ఉండవు. ఖాళీ బకెట్‌తో నీళ్లు పోసుకున్నట్లుగా నటిస్తాడు. నిజంగా స్నానం చేస్తే.. ఎలా ఫీలవుతారో అచ్చం అలాగే ప్రవర్తించడం నెటిజన్లను ఆకట్టుకుంటోంది. మధ్య మధ్యలో సబ్బు పూసుకున్నట్లుగా నటిస్తూ, చలికి వణుకుతూ.. విధిలేని పరిస్థితుల్లో స్నానం చేస్తున్నట్లుగా ప్రవర్తిస్తాడు. చివరగా టవల్ తీసుకుని శుభ్రం చేసుకుంటాడు. మొదటి నుంచి చివరి వరకూ ఎక్కడా అతడు నటిస్తున్నట్లు కనబడకపోవడాన్ని చూసి అంతా.. వావ్! ఇతడు మహా నటుడు అంటూ కామెంట్లు పెడుతున్నారు. 2008లో షేర్ చేయబడిన ఈ వీడియో.. ప్రస్తుతం నెట్టింట తెగ చక్కర్లు కొడుతోంది.
Updated Date - 2022-12-22T16:35:30+05:30 IST