Kamal Haasan: గురువు ఆశీస్సులు తీసుకున్న విశ్వనటుడు
ABN, First Publish Date - 2022-11-23T15:27:28+05:30
ఏ పాత్రను అయినా అలవోకగా పోషించే నటుడు కమల్ హాసన్ (Kamal Haasan). అభిమానులందరు విశ్వ నాయకుడు అని పిలుస్తుంటారు. కమల్ ప్రస్తుతం బిజినెస్ పని మీద హైదరాబాద్‌కు వచ్చారు.
ఏ పాత్రను అయినా అలవోకగా పోషించే నటుడు కమల్ హాసన్ (Kamal Haasan). అభిమానులందరు విశ్వ నాయకుడు అని పిలుస్తుంటారు. కమల్ ప్రస్తుతం బిజినెస్ పని మీద హైదరాబాద్‌కు వచ్చారు. ఈ సందర్భంగా తెలుగు ఇండస్ట్రీకి అపురూప చిత్రాలను అందించిన లెజెండరీ డైరెక్టర్ కె. విశ్వనాథ్ (K Vishwanath) ను కలుసుకున్నారు. కళా తపస్వి నుంచి దీవెనలు తీసుకున్నారు. అందుకు సంబంధించిన ఫొటోలు సోషల్ మీడియాలో వైరల్‌గా మారాయి. కమల్, విశ్వనాథ్ అభిమానులందరు ఈ పిక్స్‌ను షేర్ చేసుకుంటూ తమ సంతోషాన్ని పంచుకుంటున్నారు. కమల్, విశ్వనాథ్ కలసి గతంలో ‘సాగర సంగమం’, ‘స్వాతి ముత్యం’, ‘శుభ సంకల్పం’ వంటి క్లాసిక్ సినిమాలకు పనిచేశారు.
కమల్ హాసన్ చివరగా ‘విక్రమ్’ (Vikram) లో నటించారు. ఈ సినిమా బాక్సాఫీస్ వద్ద సంచలన విజయం సాధించింది. భారీ స్థాయి వసూళ్లను రాబట్టింది. కోలీవుడ్ ఇండస్ట్రీ హిట్‌గా నిలిచింది. ఈ సినిమా ఇచ్చిన జోష్‌తో తన తర్వాతి ప్రాజెక్టును పట్టాలెక్కించేందుకు కమల్ హాసన్ సిద్ధమయ్యారు. హెచ్. వినోద్ దర్శకత్వంలో ఓ చిత్రం చేయనున్నారు. ఈ మూవీలో విజయ్ సేతుపతి కీలక పాత్రను పోషిస్తున్నారు. అనంతరం మణిరత్నం దర్శకత్వంలో ప్రాజెక్టును పట్టాలెక్కించనున్నారు. ఈ చిత్రాన్ని రాజ్ కమల్ ఫిలిమ్స్ ఇంటర్నేషనల్, రెడ్ జెయింట్ పిక్చర్స్, మద్రాస్ టాకీస్ కలసి నిర్మించనున్నాయి.
Updated Date - 2022-11-23T15:29:22+05:30 IST