Viral: బాస్‌ను సర్‌ప్రైజ్ చేసిన ఉద్యోగులు.. ఇది నాకేనా అంటూ సంబరపడ్డ బాస్..
ABN, First Publish Date - 2022-12-30T21:39:18+05:30
సంస్థల్లోని ఉద్యోగులకు యాజమాన్యాలు బహుమతులు ఇవ్వడం షరా మామూలే. కానీ.. బ్రిటన్‌లో మెక్‌డోనల్డ్స్‌కు చెందిన ఓ షాపులో మాత్రం ఇందుకు పూర్తి విరుద్ధమైన దృశ్యం ఆవిష్కృతమైంది.
ఇంటర్నెట్ డెస్క్: సంస్థల్లోని ఉద్యోగులకు యాజమాన్యాలు బహుమతులు ఇవ్వడం షరా మామూలే. కానీ.. బ్రిటన్‌లో(UK) మెక్‌డోనల్డ్స్‌కు(McDonalds) చెందిన ఓ షాపులో మాత్రం ఇందుకు పూర్తి విరుద్ధమైన దృశ్యం ఆవిష్కృతమైంది. ఇటీవల ఓ రోజు అక్కడి మేనేజర్‌ను(Manager) ఉద్యోగులందరూ కలిసి సర్‌ప్రైజ్ చేశారు. ఇందుకు సంబంధించిన ఓ వీడియో ప్రస్తుతం ట్విటర్‌లో వైరల్(Twitter) అవుతోంది. తొలుత వారు మేనేజర్ వద్దకు వెళ్లి ఓ పార్సెల్‌ను టేబుల్‌పై పెట్టారు. దీంతో.. అది ఏంటి అని మేనేజర్ వారిని ప్రశ్నించారు. జాగ్రత్తగా తెరిచి చూడండి.. విషయం మీకే అర్థం అవుతుందని వారు చెప్పడంతో మేనేజర్ కుతూహలంగా పార్సెల్ ఓపెన్ చూసి ఒక్కసారిగా ఆశ్చర్యపోయారు. ఇది నాకేనా అంటూ చిన్నపిల్లాడిలా సంబరపడిపోయారు. ఉద్యో్గులు తమ మేనేజర్‌కు ఓ క్రోమ్‌బుక్(Chromebook) క్రిస్మస్ బహుమతిగా(Gift) ఇచ్చి ఆయనను సర్‌ప్రైజ్ చేశారు. ఇందుకు సంబంధించిన దృశ్యాలు ప్రస్తుతం విపరీతంగా వైరల్ అవుతున్నాయి. మేనేజర్‌ను ఇలా ఊహించని విధంగా సంతోషపెట్టిన ఉద్యోగులపై నెట్టింట్లో ప్రశంసల వర్షం కురుస్తోంది. ఉద్యోగుల బాగు కోసం శ్రమించే వారికే ఇలాంటి బహుమతులు అందుతాయని కొందరు వ్యాఖ్యానించారు. సంస్థలో అనుకూలమైన పనివాతావరణం కల్పించేందుకు ఆ మేనేజర్ ఎంతో కష్టపడి ఉంటాడనేది ఆ బహుమతితో రుజువైందని మరొకొందరు చెప్పుకొచ్చారు.
Updated Date - 2022-12-30T21:39:23+05:30 IST